Главная » 2022 » Maý » 20 » Meniñ şygyrlarym
15:37

Meniñ şygyrlarym

MENIÑ ŞYGYRLARYM

Şygyrlarym ýürekdäki ganymdyr,
Duýgularym güwläp ýanan ot ýaly.
Olardan aýrylmañ, olar janymdyr,
Olar meniñ durmuşymyñ ak ýoly.
Olarsyz durmuşyñ ýok gam-gussasy,
Şygrym dälmi şat durmuşyñ kyssasy.
Şygyrlarymda men çekýärin hasrat,
Döke-döke gözden gyzgyn ýaşymy.
Käte bolsa görýänsiñiz bolýan şat,
Guwanç bilen belent tutup başymy.
Men wasp edip agalary ýazamok,
Hars urup gözlämok şany-şöhraty,
Illere düşnüksiz şygyr düzemok,
Gözeldir şygyrlam, ýönekeý gaty.
Ýazan şygyrymy halka bagş edýän,
Mydama kinesiz ýürekden syzyp.
Halk ýaşaýşyn setirlerme nagş edýän,
Olañ durmuşynyñ manysyn ýazyp.

Abul-Kasam ŞABBY,
tunis şahyry.

Terjime eden: Ö.Babaýew.
Goşgular
Категория: Goşgular | Просмотров: 335 | Добавил: Mähriban | Теги: Abul-Kasam Şabby | Рейтинг: 4.6/5
Awtoryň başga makalalary

Goşgular bölümiň başga makalalary

√ Mähir, meni terk etme sen! / Goşgular - 12.11.2024
√ «Jim» harpy / Goşgular - 12.09.2024
√ Ýaşlyk / Goşgular - 14.11.2024
√ Naýynsap / Goşgular - 01.11.2024
√ Жизнь / Goşgular - 29.02.2024
√ Туркменский Маугли / Goşgular - 28.07.2024
√ Durmuş / Goşgular - 29.08.2024
√ Rubagylar / Goşgular - 31.07.2024
√ Bolarmy / Goşgular - 13.09.2024
√ Kim görer hurşydy, ol mahy-sima bolmasa... / Goşgular - 11.12.2024

Teswirleriň ählisi: 5
0
1 Garayolly1936  
830
Alymyň ýatan ýeri ýagty bolsun. Imany hemra bolsun. Yzynda galanlara uzak ömür bersin.

0
2 Bagabat  
43
Iman baýlygyny bersin. Hossarlaryna Alla gaýrat bersin. Gowy zatlar ýazýardy, bende.

0
3 Edebiyatcy  
15
Ahmet aga gowy adamdy, gowy edebiýatçydy, gowy şahyrdy.
Ýatan ýeri nura beslensin!

0
4 Haweran  
411
Ahmet aga hem gürrüñçil, hem az we uz gürleýän pespäl adamdy...
Diñe gazet-žurnallarda çap edilen ylmy makalarynyñ 1000-den gowrakdygyny aýdypdy...
Onuñ edebi we ylmy mirasy tomluklarda jemlenip, "Eserler ýygyndysy" görnüşinde okyjylara ýetirilmäge mynasyp.

* * *

Gadymy we bereketli Horezmiñ teperrigini alan, bu Hydyr gören keramatly topragyñ bagryndan syzylyp çykan zehinli ogullarynyñ biri.
Hiç haçan eden işini mazamlamaýan, mazamlatmaýan, özüni öñe tutmaýan, işeññir ýazyjydy, alymdy.
Özbek, garagalpak edebiýatlaryny ilik-düwme bilýärdi diýsem ýalñyş bolmasa gerek.
Eden düýpli terjimelerine şärikdeş bolnan plagiatlary agzanda, bu hakda ýazaýyn, tankytlap saýtda çykyş edeýin diýsem, "aý, bor-la, häzirlikçe ýazmasana, özüñe duşman gazanma - bulardan her zat çykar, herki zadyñ öz wagty bardyr, zähmetime şärikdeş bolany ü.n olañam jany sag bolsun..." diýip ýylgyrar oturardy.

* * *

Ahyr gitmeli-dä. Jaýy jennet bolsun, imany hemra bolsun, Alla rehmet etsin.
Sizi hiç wagt unutmarys, Ahmet aga. Eserleriñizden, makalalaryñyzdan okyjylara yzygiderli ýetirip durup, adyñyzyñ ýüreklerde elmydama ýaşap ýörmegi ü.n elimizden geleni ederis.

0
5 Garayolly1936  
830
Alymyñ garagalpak şahyry Berdakdan, Günhojadan, Ajynyýazdan eden terjime goşgylary asyl nusgadan kän bir daşlaşman garagalpak ruhyny türkmençe beÿan edÿär.

Teswiri diňe saýta agza bolan ulanjylar goşup bilýär.
[ Agza bol | Saýta gir ]