Главная » 2023 » Fewral » 4 » Senden öwrendim
16:13

Senden öwrendim

SENDEN ÖWRENDIM

...Ganatsyzja uçmagyda
Şatlyk, bagty guçmagyda
Umyt öýin açmagyda
Hiç zatsyz tutaşyp - sensiz,
Ýene sensiz öçmegide...
Ýene sessiz öçmegide...
Ählisin senden öwrendim..!

Senli bahar, sensiz gyşdym
Her gije düýşümde duşdym
Aý nurly, gül keşbiň gördim
Göreçlere bakdym
Tapylmadyk,
Hiç kimden tapylmajak
Yşgymy tapdym
Orhideýalarymy berdim...
...Öňler beýle däldim,
Bu ukuby-da senden öwrendim..!

...Hiç kimde ýok gaýgylary,
Hiç kimde ýok duýgulary,
Hyýallary, arzuwlary -
aldym
Yşgyň meýin içip,
sermest boldum,
Düňle boldum
Däli boldum
Arşa uçup - Ýere girdim
Deňze gaçyp - otda köýdim
Bulary senden öwrendim
Köpüsin tapyp öwrendim
Käsini ýitrip öwrendim
Göreşlerde ýaragymdyň
Setirlerde galamymdyň
Kapyýam, şygyr sözbaşy
Täsin ylhamyň gözbaşy
Ählisi sendiň!
Ählisin Senden öwrendim..!

...Saňa duşup öwrendim!

Ylham GURBANALYÝEW.

2023.01
Goşgular
Категория: Goşgular | Просмотров: 314 | Добавил: Alchemist23 | Теги: Ylham Gurbanalyýew | Рейтинг: 0.0/0
Awtoryň başga makalalary

Goşgular bölümiň başga makalalary

√ Aglama sen, ýüregim! / Goşgular - 28.08.2024
√ Rubagylar / Goşgular - 13.01.2024
√ Nädip ýaşamaly?! / Goşgular - 13.01.2024
√ Men Gazadaky çaga / Goşgular - 09.11.2024
√ Iman ogrusy / Goşgular - 03.06.2024
√ "Garrap ýörünmi ýa men..." / Goşgular - 01.01.2024
√ Eý, ýagyş möwsümimiz, aýralyk bilen aglaýan... / Goşgular - 27.08.2024
√ Mähir, meni terk etme sen! / Goşgular - 12.11.2024
√ Saçly gyzlar / Goşgular - 31.08.2024
√ Ýalana oda / Goşgular - 19.10.2024

Teswirleriň ählisi: 2
0
1 kbalkanov4  
599
Ylham punktuasiýanyň düzgünlerini öwrense, goşgylary has hem gözel bolardy: "uçmaga-da", "guçmaga-da" we ş.m. sözlerde defis goýsa; ýüzlenme we sorag belgileri köpnokat bilen bile gelende, köpnokadyň öňünde goýsa, köpnokat bu belgileriň yzyndan gelip bir nokatyny ýitirýär. Eger-de, üçüsi bilelikde geläýen-de, onda şu yzygiderlikde bolmaly: "?!."
Galamyň ýiti bolsun! Üstünlikler arzuw edýärin!
P.S. Moderatora: gelýän materiallar ilki mazaly seljerilip çap edilse, saýtyň abraýy artardy.

0
2 Haweran  
411
Belligiñiz bilen ylalaşýan, Kakajan aga.
Ilki awtorlyk berilen agzalary soñ ýene okyja düşürmegem gowy däl. Ylham bolsa, siziñ belläp geçen kemçilikleriñize üns bermezden aýagaldygyna goşgy goýýar.
Wagt tapsam, özümem şeýle kemçilikleri redaktirleýän, düzedýänem welin, hemmesine wagt aýyrmak, paýlaşylýan materiallara yzygiderli gözegçilik edip durmak mümkin däl, kyn bolýar.
Awtor agzalar saýtyñ materiallarynyñ goýluş düzgünlerine (rubrikada kiçi harplar bilen goýlup, eseriñ tekstdäki adynyñ baş harp bilen ýazylyşyna, awtoryñ adynyñ soñundan - aşakda goýulýandygyna we ş.m gaýry ownuk düzgünlere), bildirýän talaplaryna (iñ bärkisi sene ýazylanda 2023.01 ýaly däl-de ilki gün, aý, ýyl yzygiderlilikde - ýagny, şular ýaly 12.02.2023 ý görnüşde ýazylýandygyna çenli) üns berseler gowy bolardy.

Teswiri diňe saýta agza bolan ulanjylar goşup bilýär.
[ Agza bol | Saýta gir ]