Serim size sadaga

SERIM SIZE SADAGA

Serim saňa sadaga
Mätäji.

Serim size sadaga,
Sahawatly adamlar!
Siz bilen geçsin günler,
Bile atsyn ak daňlar!

Serim bolsun sadaga,
Daýananym - ilime!
Il güýji meňzedilen,
Dagyň däli siline.

Hakykat bu, aňladym,
Ser salyp gara - aga.
Ýaşaýyş ýok il-günsüz.
Çal baş ile sadaga!

Serim size sadaga,
Dost-dogan, bar halaýyk!
Bar dilegim- gitmäň siz,
Menden öňürdip, gaýyp.

Galypdyr aýtgy bize -
Dogmasyn aýym, günüm,
Il-günsüz, işigmize!

2009 ý.