21:16 Tomusda gar küýsemen | |
TOMUSDA GAR KÜÝSEMEN
(Täjik şahyrasy Gülruhsor Safiyewadan) Alkymyň gar diýýärsiň, Tomusda gar küýsemen. Sen maňa ýyldyz diýýäň, Näme ýyldyzlar ýaly Göz gyrpýanmy eýse, men. Sen maňa Aý diýýärsiň. Hem diýýäň tylla Günüm. Maňa beýle diýere - Men çaga däl-ä, düşün. Hemme üçin ýanar Gün, A men ýanyp bilmerin. Aý hemmä gülüp bakar, Men aý bolup bilmerin Indi maňa Aý diýme, Indi Günem diýmegin. Beý diýseň mümkin meniň Otly köýnek geýmegim. Men Günem däl, Aý hem däl, Ýyldyzam däl, Sen bagtyň. Diýseň-ä bagtym diýgin, Diýmeseň-de, hoş wagtyň. * * * Şol Aýly agşamda edipdik wada, Wadamyz boş çykdy, Aldadyk Aýy. Senden doýman, ýellenipdir gabaklar, Säher ukusyndan ganmadyk ýaly. Ýene geçip, meni otlara saldyň, Şatuduň astynda gujagyn geren. Indi ellem ellerinden berhizli, Täleýi ters gelip, göýdügen jeren. Doňup galan duýgularmy eretmän, Nirä geçip barýaň, natuwan bagtym. Men neneň oňaýyn saňa seretmän, Nowjuwan yşkyma bendiwan wagtym. Bilýän, sen meňki däl, Özgäniň bagty Bolsaň-da dur, syratyňdan ganaýyn. Bagt bilen hoşlaşmak jebir bolsa-da, Biraz dur-la, bir seredip galaýyn. Muhammetmyrat MEREDOW. | |
|
√ Döwrebap goşgy / Goşgular - 05.06.2024 |
√ Ajap ýaýlam / Goşgular - 15.05.2024 |
√ Çaganyñ öweý enesine aýdany / Goşgular - 20.08.2024 |
√ Pyragyny okasañ! / Goşgular - 24.06.2024 |
√ «Превратила всё в шутку сначала…» / Goşgular - 29.02.2024 |
√ Ged enarel-yşka-lil-uşşagy min hejel huda... / Goşgular - 02.08.2024 |
√ Gözümde muttasyl ol, egme gaş, gerek bolsa... / Goşgular - 08.09.2024 |
√ Bir millet / Goşgular - 20.05.2024 |
√ Durmuş toýunda okalan goşgy / Goşgular - 24.08.2024 |
√ Göwünlik / Goşgular - 12.08.2024 |
Teswirleriň ählisi: 0 | |