16:03

Bagtyň gözleginde...

BAGTYŇ GÖZLEGINDE...

Mähirden püre-pür jady gözleňde,
Indi harsydünýäň yşky bar ýaly.
Garaçygy göýä ýowuz neşderi,
Didäň agy bolsa, gyşky gar ýaly
Sowapdyr,
nebisiň aňzak ýelinde.
Ýylatmaga ejiz ýyly demim-de.
(Ýollar aýra düşse, aglasa ýürek,
Bir, iki däl gülüp geçjek deňiňden.)

Tasanjyrap gitdiň,
bagtyň gözlegne.
Hamana ol göze görünýän ýaly.
Saglygy bagt bolup görnermiş hassa,
Bagtmyşyn aşyga öz söýen ýary.
Sen bu hörpden gopup bilmediň asla!
Tapybam bilmediň gözleýän bagtyň...
...Sen ony taparsyň,
böwrüňi diňläp,
Meni kalbyň bilen küýseýän wagtyň!..

Azymberdi KAKAÝEW.
Категория: Goşgular | Просмотров: 461 | Добавил: Bagtygül | Теги: Azymberdi Kakaýew | Рейтинг: 5.0/1
Awtoryň başga makalalary

Goşgular bölümiň başga makalalary

Alabahar / Goşgular - 21.03.2024
Eýdip-beýdip... / edebi ýaňsylama / Goşgular - 12.01.2024
"At bilen kowalap gördüler ony..." / Goşgular - 01.01.2024
Şert / Goşgular - 09.02.2024
Rubagylar / Goşgular - 13.01.2024
Günüñ monology / Goşgular - 01.01.2024
Жизнь / Goşgular - 29.02.2024
"Garrap ýörünmi ýa men..." / Goşgular - 01.01.2024
"Bagşylara" / Goşgular - 07.02.2024
Rubagylar / Goşgular - 01.01.2024

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]