11:00 Ertiriň aladasy | |
ERTIRIÑ ALADASY
Gijäň rahat, mähribanym! Ertir meni irden oýar. Nesip bolsa öýümize, Ýene-de köp myhman geler. “Gelen – döwlet” diýilýänin, Ençe gezek eşdenemsiň. Howlymyzy myhmanlaryň Aýak yzy keşdelesin. Säher bilen sag sygyrňy, Tamdyrňa ýap myssyk nany. Bizden hoşal bolup gitsin, Gelen myhmanlaryň bary. Ötegçilere gol bular, Gorly tamdyryň tüssesi. Gonak bilen dil tapyşdyr, Sary sygyryň mesgesi. Soraglarma jogap gerek, Şygyrlam bar sözlemeli. Diňe şolardan taparys, Köňlümiziň gözlegini. Edeniň dolanar yza, Besdir bize jomart bolsak. Özümiz myhman bu dünýä, Myhmanmyzdyr her bir pursat. Olar bilen çyrag geler, Kalba ataş, ynam geler. Sabyr, sogap, saglyk geler, Durkumyza dogum geler. Döwran geler toýlar içre, Töre geçer törümize. Goý, gelsinler, kän zat sygar, Biziň açyk göwnümize. Durmuş – umman, biz – bir dünýä, Üstünde biz syrly salyň. Ertir meni irden oýar, Gijäň rahat, mähribanym! | |
|
√ Puluň başarnygy barada agymtyl goşgy / Goşgular - 10.01.2024 |
√ Garaş maňa / Goşgular - 17.02.2024 |
√ "At bilen kowalap gördüler ony..." / Goşgular - 01.01.2024 |
√ Nokat / Goşgular - 28.01.2024 |
√ Ömrümiñ manysy bolmaly zenan / Goşgular - 05.02.2024 |
√ Bagyşla! / Goşgular - 01.01.2024 |
√ Nar / Goşgular - 22.04.2024 |
√ Жизнь / Goşgular - 29.02.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Rubagylar / Goşgular - 13.01.2024 |
Teswirleriň ählisi: 0 | |