17:00 Bu syrly älemde... | |
BU SYRLY ÄLEMDE...
Bu syrly älemde azdyr aýdyñ zat, Ony açmak üçin ylgar adamzat. Dünýäñ ähli zady: ysy, reñki... Seniñki, eý, Tañrym, bary seniñki. Tokaýlar, sähralar, çöller hem düzler, Ummanlar, çeşmeler, derýa-deñizler. Depeler, baýyrlar, gojaman daglar, Miweli, miwesiz owadan baglar. Zer däneli, akly-garaly toprak, Ömüri ömrüme çalymdaş ýaprak. Uç-gyraksyz asman, Aýy-ýyldyz, Gün-de, Ýeriñ hyzmatçysy, hossary men-de. Seniñki, seniñki bu aýdýan sözüm, Uzagy-ýakyny saýgarýan gözüm. Elbetde, seniñki görküm hem durkum, Seniñ hökümiñe baglydyr erkim. Barlyk saña bendi, ädimiñ - döwür, "O dünýäñ - bu dünýäñ" - ikisem ömür, Menzil-mekanyñy çekip alnyma, Hökümdarsyñ gursakdaky kalbyma. Owazyñ gaýtalar ýüregmiñ sesi, Eý, Tañrym, bu zatlañ sensiñ eýesi. Seniñki, bu zatlañ bary seniñki, Tañrym, saña hakdan gulluk meniñki! Durdy DURDYÝEW. | |
|
√ Sumbaryñ kenarynda / Goşgular - 01.01.2024 |
√ Atsyz goşgy / Goşgular - 31.01.2024 |
√ Suwdan ot çykaran goşgy / Goşgular - 31.01.2024 |
√ Yzany yşkyma ýamag etdim / Goşgular - 15.04.2024 |
√ Düýş hem ýagyş / Goşgular - 09.01.2024 |
√ Ýolbars we Möjek / basnýa / Goşgular - 05.01.2024 |
√ Nokat / Goşgular - 28.01.2024 |
√ Nar / Goşgular - 22.04.2024 |
√ Ýagyş damjasy / Goşgular - 24.03.2024 |
√ Perişan kalbyñ umydy / Goşgular - 01.01.2024 |
Teswirleriň ählisi: 1 | ||
| ||