Ene dilim

ENE DILIM

Şeýle ýazanmyşyn bir beýik dana:
“Dünýäniň ýüz dilin bilseň-de eger,
Unutma öz diliň, unudaýsaň ol
Jigeriňe hanjar bolup sünjüler.”

Ürç edip öwrenýäs dünýä dillerin,
Dil biziň baýlygmyz.
Ol bize zerur.
Emma näçe dili bilýän-de bolsam,
Kalbymda seň ornuň juda aýry dur.

Entek bäbejikkäm ejemjan seni
Guýupdyr aňyma süýdüne garyp.
Şonuň üçin bir-ä ene mährinde,
Bir-de seň balyňdan bilemok ganyp

Meniň şindi bekeşmedik kalbyma
Ene süýdi bilen gireňsoň bile,
Adyňy-da enem deýin ezizläp,
“Ene dilim” diýip alýaryn dile.

4.09.2009 ýyl