21:57 Ene hüwdüsi | |
ENE HÜWDÜSI
Gundagda gursagma guýulan gurşun, Ene hüwdüsi. Owalda-ahyrda ganymy urşuñ, Ene hüwdüsi. Öýümde ojagym, barymda bossan, Ene hüwdüsi. Begensem, buýsanjym, gyýylsam gussam, Ene hüwdüsi. Dulumda saçagym, ajyksam aşym, Ene hüwdüsi. Ýerdäki arzuwym, gökdäki guşum, Ene hüwdüsi. Baýyrlarda bulak, daglarda çeşme, Ene hüwdüsi. Ynsan ogly saña ömürlik teşne, Ene hüwdüsi. Ýeriñ göbeginden çykýar ýarylyp, Ene hüwdüsi. Bu ýagty jahanda baky dirilik, Ene hüwdüsi. ▶ MIRAS Atamyñ jonnuk gyljy, Kakamyñ çep gulak pili. Durlar olar atam, kakam, Duran ýaly baky diri. Ak öýi enem pahyryñ, Ýüwrüp dokan halyçasy. Kyn günlerde ejem janyñ, Egne geýen alaçasy. Uruşdan gaýdyp gelmedik, Agamyñ çalan dutary. Hem onuñ esger eşikli, Ýylgyryp duran suraty. Yssy maña barça zatdan, Ähli zatdan eziz olar. Ädimlermi ýalñyşdyryp Basdyranok heniz olar. Olar meniñ geçmişim däl, Olar meniñ şu günlerim. Egin deñläp dursa olar, Çökmez asla eginlerim. Ýüze sylyp şu zatlary Alys ýola düşýän, ine. Söýget olar dostlaryma, Haýbat olar duşmanyma. Ata TÄZEBAÝEW. | |
|
√ Победителям / Goşgular - 29.02.2024 |
√ Çarwa arabyñ söýgüsi / Goşgular - 10.02.2024 |
√ Günüñ monology / Goşgular - 01.01.2024 |
√ Perişan kalbyñ umydy / Goşgular - 01.01.2024 |
√ Gökdepäm / Goşgular - 22.03.2024 |
√ Tilki bilen üzüm / basnýa / Goşgular - 10.01.2024 |
√ Düýş hem ýagyş / Goşgular - 09.01.2024 |
√ Erjellik / Goşgular - 05.01.2024 |
√ "Bagşylara" / Goşgular - 07.02.2024 |
√ Täjir tanşyma / Goşgular - 16.01.2024 |
Teswirleriň ählisi: 1 | |
| |