22:36 Gapy | |
GAPY
Bir täsin gapyny salýar ýadyma Gowy-gowy kitaplaryň sahaby. Şol gapydan ätledigim, ýat maňa Durmuşyň azaby, dünýäň hasaby. Ýetdim-ýetdim, tutdum-tutdum kowalap, Üstüm gam basanda, galmanda çykgyn. Başym egip giren gapylarymdan Başy asman dirän dag bolup çykdym. Kenary kenara gowşursa gämi, Uçar ýurtdan ýurda aşyryp bilýär. Barybir henize-bu güne çenli Bizi ötlem-ötlem eýýamlar bilen, Efatunlar bilen, Haýýamlar bilen... Diňe şu gapylar duşuryp bilýär. Sen kitap gatyny açýan ýalysyň, Bir ujundan okap başlan ýalysyň... Gaýta, kitap seni açýar ahyry! Kalbyň yzlap, sowrup ahmyr-ahyňy, Asyl, kitap seni okap başlaýar! Beýle pursatlary, ynan, Biribar Sanalgy dem hasabyna goşmaýar! Behiştdendir bu pursatlaň gymmaty. Hakyň dergähinden inen kitaplar Gat-gat hikmet, hat-hat ýollary bilen Ýene Haka alyp barýar ymmaty. Goluňdan dartar-da, göterer göge, Ylla melek, Göwnüň bilen heňdeşdir. Des-deň iki aç-da synla kitaby, Giňden gerlen ganatlara meňzeşdir. Durmuş bi, Kä bir söz harap eýleýär, Käte-de birje söz halas eýleýär. Janyny çüýşede saklasa döwler, Dünýä kelam içre saklap janyny, Sözüň bakylygna telwas eýleýär. Açyň gowy kitaplaryň gatyny, Açylýar üýtgeşik dünýäň gapysy... Kakamyrat REJEBOW. | |
|
√ Atsyz goşgy / Goşgular - 31.01.2024 |
√ Lenç edilen nakyl / Goşgular - 05.02.2024 |
√ Rubagylar / Goşgular - 13.01.2024 |
√ Was-wasylara... / Goşgular - 23.01.2024 |
√ Aldawçynyñ pañ-pañy / Goşgular - 18.01.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Bagyşla! / Goşgular - 01.01.2024 |
√ Düýş hem ýagyş / Goşgular - 09.01.2024 |
√ Siziñki / Goşgular - 30.01.2024 |
√ "At bilen kowalap gördüler ony..." / Goşgular - 01.01.2024 |
Teswirleriň ählisi: 0 | |