23:54 "Gel, gülüm, kalbyma seýle gideli..." | |
"GEL, GÜLÜM, KALBYMA SEÝLE GIDELI..."
Gel,gülüm, kalbyma seýle gideli, Seretmän ýollaryň beýik-pesine. Söýgimiň sazyny eşdesiň gelse, Diň sal, urýan ýüregimiň sesine. Ýüzüň dolan Aý deý saçanda ýalkym, Görküňden utanar yşkyň jemaly. Uzat sen ellerňi, solmasyn güllem, Sypasyn saçlarňy bagtyň şemaly. Seniň näziň doň garlary ereder, Bagtdyr näziň çekmek aşyk ýigide. (Bagtly adamlara üýtgeşik görner, Gyşlaryň sowulyp, ýaz gelmegi-de). Ynan, gülüm, gitmez yşkymyz mundan. Söýgimiziň sazyn çalar gijeler. Ýaradan ýalkasa, şeýle bolýandyr, Şowly çyksa, ýazgytdaky bijeler. Nury SAKÇYÝEW. | |
|
√ Ömrümiñ manysy bolmaly zenan / Goşgular - 05.02.2024 |
√ Günüñ monology / Goşgular - 01.01.2024 |
√ Alabahar / Goşgular - 21.03.2024 |
√ Gije hem gündiz / Goşgular - 07.02.2024 |
√ Nädip ýaşamaly?! / Goşgular - 13.01.2024 |
√ Dünýe... / Goşgular - 11.02.2024 |
√ Düýşgowuran / Goşgular - 08.04.2024 |
√ «Отвергнув гордое сомненье…» / Goşgular - 29.02.2024 |
√ "At bilen kowalap gördüler ony..." / Goşgular - 01.01.2024 |
√ Eýdip-beýdip... / edebi ýaňsylama / Goşgular - 12.01.2024 |
Teswirleriň ählisi: 0 | |