Gidesim gelýär

GIDESIM GELÝÄR

Eje, meň gidesim gelýär,
Ýylgyrma ýok täleýimde.
Didelemden başlan surat,
Gutaranda eňegimde.

Çigit ýaljak kiçi göwnüm,
Tamakin däl, kör-köpüge.
Ýüregimde çiglen düwnüm,
Yza berýär köpçülükde.

Tenha özüm pynhan ýerde,
Ýaralarma em eýlejek.
Galyp ýörme soňsuz derde,
Ýol şaýym tutup neýlejek?

Syrdaşym bar ýan torbamda,
Jübimde jadyly galam.
Yzymdan bakma, ugratmda,
Beter synar göwün galam.

Yza berýär, gamly köňle,
Çäresizlik bagrym gemrip.
Anbar ysly sähralarda
Galjak men-ä birki günjük.

Bagtygül TEKÄÝEWA.