Güýz waspy

GÜÝZ WASPY

Jöwzaly tomus özüniñ ýerini salkyn, mylaýym şemally pasyla berip ugrady. Bu pasyl kän ynsanyñ göwnüne ýakyn, kän ynsanyñ hyjuwyny bagta atarýan, kän ynsanda bolsa ylhama sebäpkär bolýan, kän ynsanyñ göwünlerini birleşdirýän bu pasyla "Güýz" diýip atlandyrýarlar.
Güýz paslynyñ tylla monjugy bu onuñ salkynlygy, jöwher däneleri ýaly düzülen ýagşy bolsa gerek. Şol döwürde ynsan özüniñ çeken zähmetiniñ hem hözürini görüp ugraýar. Ekilýän bakja önümleriniñ, gök õnümleriniñ aglabasyndan köpüsi güýzde ýygnalýar. Gün şöhlesi hem özüniñ howasyny güýzde has başgaça paýlaýar. Agaçlaryñ gün geçdigi saýy özüniñ ýapraklaryny "üzsemmi ýa-da üzmesemmi" diýen ýaly sorag astynda gyşa taýynlyk görýär.
Kalbdan joşup çykýan ylham hem şahyrlaryñ yüregine päkligi joşdurýar. "Güýz" diýlen söz edebiýat äleminde agzalanda bolsa hökmany suratda tylla güýzüñ aşygy Gurbannazar Ezizow köñüllere girip barýar. Şahyryñ altyn güýzli taryplap ýazan goşgulary bolsa sanardan gaty kän. "Güýz peýzažy" goşgusynda hem:

Şeýle bir çuň güýz gününiň peýzažy,
Bu görnüşi diňe dana okýandyr.
Küteldipdir günüň tylla tyglaryn
Üçünji ongünlüginde oktýabr.

Baryp gözýetimiň sütünne çenli,
Sähra sary donun bürenip ýatyr.
Baglar ýere gaçýan ýapraklarynyň
Yzyndan ses-üýnsüz seredip otyr.

Goşgudan görşümiz ýaly, güýzüñ peýzažy sülmüreýän ýapraklary, çygly şemaly we älemgoşar deýin dürli reñklere ýugrulan tebigaty özünde jemleýän gözellikdir.

Aýgül AŞYROWA,
Döwletmämmet Azady adyndaky Türkmen milli dünýä dilleri institutynyň talyby.