07:36 Gysgajyk goşgular | |
GYSGAJYK GOŞGULAR
Ne senden, ejeňden, durmuşdan närza, Käbäň bagtyň islär, sen bolsa meni. Ykbal hem söýgini bermez-ä karza, Bagtyň üçin özüň etmeseň jeňi. *** Ikimiziň ýaşymyzam orta ýaş, Onda gep däl, başga zada bogulýan. Allam seni alyslarda ýaratdy, Gör-ä ykbal, men şu ýerde dogulýan. ■ Söýgi Söýgi - sabyrlylyk, synagdyr, sylag, Söýgi - sahabatdyr, sylaşyk, sarpa. Öňlerem, häzirem, geljekde ýene, Baş egip ýaşarlar bäş sany harpa. *** Maýyl eden ol bendiwan ýylgyrşyň, Görmek üçin hiç hatardan gaýtmandym. Emma, gelip, şol jadyly keşbiňi, Görenimde, gynanaryn öytmändim. ■ Ýatlaýan Ykbal işýär, maý berenok çözüme, Seniň keşbiň ýene siňýär gözüme, Gark bolýan-da, soňra gelip özüme, Ilk-ä seni ýüregimde otlaýan. Külüň sowrup, soňra ýene ýatlaýan. *** Elmydama hasaply däl bu durmuş, Näme diýse diýibersin başgalar. Bil, ezizim, ikimizi jemlesek, Iki däl-de, bolarys bir maşgala. ■ Söýgi Çykylmasyz belentlik, Söýgi - hasrat oguşýa. Ýetilmedik arzuwlar, Diňe düýşde gowuşýar. *** Bilbilde bar ýürek gargada-da bar, Deň çykar owazy, kakaylaýsa tar. *** Ynan. Bir gün alnyňda bagtly daň atar, Bilseň, şol bagtyň maňa-da ýeter. Ahmet ARAZOW. | |
|
√ Lenç edilen nakyl / Goşgular - 05.02.2024 |
√ Alabahar / Goşgular - 21.03.2024 |
√ Täjir tanşyma / Goşgular - 16.01.2024 |
√ "At bilen kowalap gördüler ony..." / Goşgular - 01.01.2024 |
√ Gökdepäm / Goşgular - 22.03.2024 |
√ Dostluk hakda / Goşgular - 18.02.2024 |
√ Kyrk ýaşa ýüzlenme / Goşgular - 03.02.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Ýolbars we Möjek / basnýa / Goşgular - 05.01.2024 |
√ Gije hem gündiz / Goşgular - 07.02.2024 |
Teswirleriň ählisi: 1 | ||
| ||