Halyl Kulyýew iň soňky gezek iş stolunyň başynda

HALYL KULYÝEW IŇ SOŇKY GEZEK
IŞ STOLUNYŇ BAŞYNDA

Söýüp, duşuşmadyk gyzyma meňzeş,
Ömürboýy söýen ýazyma meňzeş,
Sähramyň üstünde misli ak güneş –
Sonlanmadyk goşgulam.

Ýygralyk zerarly ýürekde garran
Söýgi dek ýüregmi dilmäň siz parran,
Ýoda boluň özge ýürege barýan,
Soňlanmadyk goşgulam.

Ir ýaşan agşamyň şapagy ýaly,
Kürteden garaýan gelin mysaly,
Birahat ýüregmiň soňky wysaly –
Soňlanmadyk goşgulam.

Geliň, öçük ruhumy oýaryň,
Dilemäň bu ýere başym goýanym,
Ýüregimi nokat edip goýaryn,
Soňlanmadyk goşgulam.

Göwher dek, lowurdaň üstünde ýoluň,
Söýgüli aýdymy boluň uly-iliň,
Ömrüniň dowamy şahyr Halylyň –
Soňlanmadyk, diňlenmedik goşgulam.

Gurbandurdy ORAZOW.