23:40 Leýlisaç | |
LEÝLISAÇ
Bu ümsüm gijeler tümli gijeler, Gökde gözün gyrpýar, ýyldyzlar üyşüp, Aşyklara hemaýatkärdir olar, Saýrak guşlar bagtly boluň diýşip, Owsun atýan köller ýuwaş tolkunyp, Aýyň keşbin ýatyr üstüne gatyp, Ýel öwsende, leýlisaçlar gorkuzyp, Dymyp otyr olar niçe syr basyp. Aşyklary bir-birine duşurup, Juwan aşyklary goýnunda gizläp, Bu daragtyň ömri söýgä beslenen, Ajy-süýjin başdan geçiren ýüzläp. Gollaryndan tutup söyen ýarynyň, Söýýänin aýdandyr dyzyna çöküp, Bu ýerden hoşlaşyp gaýdanda bakyp, Yzyndan galandyr göz ýaşyn döküp. Synlap menem bu gün pikire batýan, Owsun atýan leýlisaçlara garap, Ýyldyzly asmany bulut gaplady, Zaryn ýeller gelýär ýüzüňi yalap. Bu öwüsýän ýeller dumanly asman, Geçeni aňyma salypdy mejbur, Daragtyň goýnunda bir wagt menem Bir biwepa bilen bolupdym mejnun. Gurbanmämmet MEREDOW. | |
|
√ Käbir aýallara melek diýýäñiz / Goşgular - 04.02.2024 |
√ Ömrümiñ manysy bolmaly zenan / Goşgular - 05.02.2024 |
√ Çarwa arabyñ söýgüsi / Goşgular - 10.02.2024 |
√ "At bilen kowalap gördüler ony..." / Goşgular - 01.01.2024 |
√ Erjellik / Goşgular - 05.01.2024 |
√ Siziñki / Goşgular - 30.01.2024 |
√ Rubagylar / Goşgular - 13.01.2024 |
√ Täjir tanşyma / Goşgular - 16.01.2024 |
√ Tilki bilen üzüm / basnýa / Goşgular - 10.01.2024 |
√ Moskwadan görýärler / Goşgular - 30.01.2024 |
Teswirleriň ählisi: 5 | ||||||
| ||||||