18:18 Matal | |
MATAL
– Dertlisiň, derman bar içäýmek welin Howpludyr, onda-da çekersiň başa?! – Ol derdem, dermanam söýgüdir, dogan, Gör, meni nädipdir, et sen tomaşa! – Gaçdygyça golaýlaşar, mährem bor, Düýn görensiň, tanyşsyň sen ozaldan?! –Ynan, dogan, başga hiç kim däldir ol Bir bakyşda janym alan gözelden! – Ol ne otdur, ýanar durar ýaldyrap, Ýöne golaý bardygyňça doňdurar?! – Şol gözeliň ýanyp duran gözleri Meni buza öwürdi, wah, şoldur ol. – Bir gün bar, şatlykmy, gussa paýlaýar, Hiç bilip bolmaýar, duýup bolmaýar?! – Ol meň ertirimdir, çünki şol gözel Şu gün ne gaş çytýar, ne-de ýylgyrýar. – Eý, dost, telbemisiň ýa Mežnunmysyň. Bar zady bir gyza baglap goýduň sen?! – Bilmedim... Her halam yşgyň oduna Heniz seniň ýanmadygň-a duýdum men. Italmaz NURYÝEW. | |
|
√ Moskwadan görýärler / Goşgular - 30.01.2024 |
√ Tazy / Goşgular - 30.01.2024 |
√ Nokat / Goşgular - 28.01.2024 |
√ Ak buýnuzly ak maral / Goşgular - 01.01.2024 |
√ Meniñ monologym / Goşgular - 01.01.2024 |
√ Wiswisi lakamly obadaşymyň ömür beýany / Goşgular - 25.03.2024 |
√ Salam, Türkmenistan! / Goşgular - 01.01.2024 |
√ Kyrk ýaşa ýeteniñde / Goşgular - 03.02.2024 |
√ Puluň başarnygy barada agymtyl goşgy / Goşgular - 10.01.2024 |
√ "Bagşylara" / Goşgular - 07.02.2024 |
Teswirleriň ählisi: 0 | |