|
MEN SAÑA ÝETSEM
Nälaç gözýaşlara ezilen dünýäň
Gursagyna basyp dähedem-dessem,
Ähli gussalaryň üstünden ätläp,
Men saňa ýetsem!
Gar deý ap-ak arzuwlarda gulaçlap,
Gap-gara gözlerňi gözlerme sürtsem.
Elimde eliňi görmegim üçin
Men saňa ýetsem!
Gülgüne lebiňden gül ysy gelýär,
Gözlerden ogrynça lebiňden öpsem.
Gözel arzuwlarma ýol arçar ýaly,
Men saňa ýetsem!
Owadan gijeler duýgymy seçip,
Soňsuz ejirlerden çykdym men üstün.
Bu barlykda boljak iň uly ýeňşim,
Men saňa ýetsem!
Sapa HOMMADOW.
|
Категория: Goşgular |
Просмотров: 415 |
Добавил: Pegas
| Теги: Sapa Hommadоw
| Рейтинг: 4.7/3 |
Awtoryň başga makalalary
Goşgular bölümiň başga makalalary
Teswirleriň ählisi: 2 | |
0
Juda owadan ýazylan goşgy
|
0
Owadan eken ,hawa . Şol geliniň aýdýan aýdymynyň sözlerimi şu ,ýa başgamyka ?
|
|
|
|