05:53 Goşgular | |
▶ SESSIZ UMYT
Agladyň sen sessiz , asla bildirmän, Salgadyň eliňi soňky gezekde. Seni maňa bermediler näm üçin, Ýa sen islemediň bile gezip-de ?! Özüňi bagş etdiň özgäň gujagna, Aýtsana, men sensiz nädip ýaşaryn; Sendiň meniň ýaşaýşymyň sebäbi, Sendiň meniň bu dünýedäki barym. Meni aldanyňa aglansyň, belki, Diýensiň: "... aldaman hiçkimi gaýdyp". ...Men henizem saňa garaşyp ýörün, Ýylgyryp, ýanyma gelersiň öýdüp. ▶ OBAM Tarypyň sözlesem düzlere çykyp, Tarypyňa ýetebilmerin obam. Gezsem-de men, seň goýnuňda der döküp, Seň goýnuňdan gidebilmerin obam. Eşdiler owazy gyjak-dutaryň, Gysganmaz, eçiler ol elde baryn, Gelseň aýlanmaga, sorar ahwalyň, Hödür eder: almadyr-naryn obam. Gyşyň garlarynyň, ýazyň ýagşynyň, Säba säher Gün ýaldyrap dogşunyň, Perzentleriň ha:la salan nagşynyň, Bolaýyn men, seniň, gurbanyň obam. Merdan BABAÝEW. | |
|
√ Bagyşla! / Goşgular - 01.01.2024 |
√ "Bagşylara" / Goşgular - 07.02.2024 |
√ Moskwadan görýärler / Goşgular - 30.01.2024 |
√ Käbir aýallara melek diýýäñiz / Goşgular - 04.02.2024 |
√ Aldawçynyñ pañ-pañy / Goşgular - 18.01.2024 |
√ Estagfurullaly bentler / Goşgular - 14.02.2024 |
√ Çarwa arabyñ söýgüsi / Goşgular - 10.02.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Ýolbars we Möjek / basnýa / Goşgular - 05.01.2024 |
√ Garyp köñlümiñ soltany / Goşgular - 21.02.2024 |
Teswirleriň ählisi: 3 | ||||
| ||||