Oradur

ORADUR

Ikinji jahan urşy ýyllarynda gitlerçiler Fransiýanyñ Oradur atly obasyny otlap, onuñ adamlarynyñ ählisini öldûripdirler.

Gitlerçi general gazaba münýär,
Gitlerçi general serhoş bu mahal.
Elhençden elhençdi onuñ permany?
Niçik oýun turar bu ala säher?!

Çagajyklar süýji ukuda ýatyr,
Düýş görýär gözeller şirinden-şirin.
Betpäl pirim gurýar, diñle Oradur,
Oýargyn sen mert ogullaryñ baryn!..

Oradur, Oradur, eziz Oradur,
Ýürekde bitmejek agyr ýara dur.

Bu gün şol ýarany ýeñletmek üçin,
Gelýär adam bary jümle-jahandan.
Perzendinden jyda düşen Oradur,
Nälet okaýar, ot syçraýar dahandan.

Gaýgy-hasrat eýeläpdir kalbyny,
Ony egsip bilmez ýyllar, asyrlar.
"Zemini uruşdan goralyñ!" - diýýär,
Mermere öwrülip, köýen nesiller.

Allaýar ÇÜRIÝEW.