07:06 Owadan Bahar | |
OWADAN BAHAR
Ýaşlykdan ýadygär, gizlenip galan goşgy Al-öýme ýaglygyň alkymyň ýapar, Altyn halkalaryň boýnuňda hatar. Ak ýüzüň dünýäniň misli gündizi - Owadan, Bahar! Öýkeläp gideňden bäri şol sapar, Gözlerim intizar ýoluňa bakar. Bilmedim, kim boldy, meni özüňden Sowadan, Bahar! Gel, etmäli läläm, bir-birden gahar, Ýaraşmaga indi boldy çen, mahal. Juda gereklisiň maňa suwdan hem Howadan, Bahar! Huşumda diňe sen, her şam, her säher, Görmesem dünýämi gam-gussa basar. Yşk hesretin hem lezzetin kalbymda Oýadan, Bahar! Ýylgyryp bakyşyň jana hoş ýakar, Gaharly göreçleň ok bolup batar. Taý tapman özüňe, gözläp şäherden, Obadan, Bahar! Al-öýme ýaglygyň alkymyň ýapar, Altyn halkalaryň boýnuňda hatar. Umman gözüň göýä gijäň tümlügi - Owadan, Bahar! 1982 ý. “Nesil” gazeti, 19.10.2020 ý. | |
|
√ Garyp köñlümiñ soltany / Goşgular - 21.02.2024 |
√ Hasap / Goşgular - 18.02.2024 |
√ Gije hem gündiz / Goşgular - 07.02.2024 |
√ Atsyz goşgy / Goşgular - 31.01.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Erjellik / Goşgular - 05.01.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Sumbaryñ kenarynda / Goşgular - 01.01.2024 |
√ "Gelin jan..." / Goşgular - 26.03.2024 |
√ Ak buýnuzly ak maral / Goşgular - 01.01.2024 |
Teswirleriň ählisi: 0 | |