"Pähim-paýhas ummany Magtymguly Pyragy"

"PÄHIM-PAÝHAS UMMANY MAGTYMGULY PYRAGY"

Dynç alyş günlerinde Gahryman Arkadagymyz Aşgabat şäheri boýunça Köpetdagyň eteginde ýerleşýän Magtymguly Pyragynyň medeni-seýilgähiniň çäklerindäki alnyp barylýan işler hem-de paýtagty ösdürmegiň möhüm ugurlaryna degişli birnäçe taslamalar bilen tanyşanynda Magtymguly Pyragynyň 300 ýyllyk toýy barada “Pähim-paýhas ummany Magtymguly Pyragy” atly täze goşgusyny okap bermegi Arkadag Serdarly bagtyýar ýaşlar ýylynyň taryhy hem-de türkmen halkyny buýsandyran, begendiren wakasyna öwrüldi.
Goşgynyň çeperçiligi kämilligi bilen bir hatarda, täzeçil pikir hem-de sözlere ýugrulandygy bilen akyldar şahyra bagyşlanyp döredilen beýleki şygyrlardan görnetin tapawutlanýar. Gahryman Arkadagymyz “Barymyzy şärik edýär ägirt şöhrat-şanyna”- diýen setirleriniň üsti bilen Magtymguly Pyragynyň şygyrlarynyň üsti bilen tutuş halkymyzyň dünýä tanalandygyny, abraý-mertebesiniň belende galandygyny şahyrana dilde belläp geçýär.
Diňe bir romanlardyr atalyk kitaplary däl, ajaýyp şygyrlary bilen halkymyzyň, şol sanda dünýä halklarynyň hormatyna, söýgüsine mynasyp bolan Gahryman Arkadagymyz “Pähim-paýhas ummany Magtymguly Pyragy” goşgusynda hem pikirlerini aýdyň hem täsirli, özboluşly jemlemegi başarypdyr:

“Üç asyryň dowamynda geçen ýoly uludyr,
Halkynyň hem adamzadyň sadyk, syddyk guludyr,
Hemişe we hemme ýerde şol bir Magtymgulydyr,
Pähim-paýhas ummany Magtymguly Pyragy.
Onuň Alyjenaby Magtymguly Pyragy.”

Guwanç HALYÝEW,
Türkmen oba hojalyk institutynyň mugallymy.