Puluñ armanly söhbedi

Didarberdi ALLABERDIÝEW

▶ PULUÑ ARMANLY SÖHBEDI

Maña pul diýýärler, eý, Adam ogly,
Meniñ köp ýerimde taparsyñ dowly.

Gizlemän rastymy sözlesem saña,
Owalda-ahyrda taý ýokdur maña.

Gel, ikimiz bir dem söhbet guraly,
Meýliñ bolsa güýç synanşyp göreli.

Özüme garşydaş tapamok heniz,
Hemme kişi meniñ ýanymda ejiz.

Nämäni islesem tapýarlar maña,
Dünýäde bar zady satýarlañ maña.

Mende birje zada güýç tapylanok,
Bir armanym ~ maña jan satylanok.