22:12 Sähram | |
SÄHRAM
Al-elwan güllerden Galypdyr duman. Geçen günlerimden Ýok mende arman. Gülleriñ ysyndan Serhoş bu asman, Sährany diýsen-e, Elheder-aman! Özümi gynadym Boldy bir çeni. Äkit, eý, gyr atym, Giñ sähra meni. Ýaşyl şemal deýin, Ganatly deýin, Gideýin, gideýin, Sähra gideýin. Aýlana-aýlana, Göwnüm açaýyn. Ýylakly ýaýlalañ Çalyn içeýin. Giñ asmanyñ Aýyn Synlap bir zaman, Gojany diñläýin, Özüm gürlemän. Aç gujagñy, sähram, Goýnuñ çaglydyr. Meniñ ähli baham Saña baglydyr. Sen maña pata ber, Perzendiñ deýin. Seniñ durşuna der, Ýüzüñ öpeýin. Bu beýik baglaram Başlanýar ýerden. Bu beýik daglaram Başlanýar ýerden. Sähram! Synmaz örküm, Syryñ aç maña! Ýer ber, Menem köküm Uraýyn saña! Gurbannazar EZIZOW | |
|
√ "Bagşylara" / Goşgular - 07.02.2024 |
√ Moskwadan görýärler / Goşgular - 30.01.2024 |
√ Är garrar... / Goşgular - 30.04.2024 |
√ Perişan kalbyñ umydy / Goşgular - 01.01.2024 |
√ Gowy görülen goşgy / Goşgular - 05.01.2024 |
√ At galar / Goşgular - 11.02.2024 |
√ Göreş / Goşgular - 11.02.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Çarwa arabyñ söýgüsi / Goşgular - 10.02.2024 |
√ Nädip ýaşamaly?! / Goşgular - 13.01.2024 |
Teswirleriň ählisi: 0 | |