Şahyr dostuma

ŞAHYR DOSTUMA

Biz nähili oýunbaz,
Gör, nähili yşkbaz biz!
Kimler üçin-ä hiç kim,
Kimler üçin ykbal biz!

Bir gün buzdan sowuk biz,
Bir gün gyzgyn otdanam.
Kä göwündeş gözleýäs
Ýakyndanam, ýatdanam.

Käte aýdym küýseýäs,
Käte özümiz aýdym.
Kä zalym biz,
Käte-de
ýukalygnyň derdinden
Ýüregmiz tüýdüm-tüýdüm.

Gyşda ýanýas alawlap,
Gagşap ýörüs tomusda.
Garaçyndan begenýäs
Kapyýa kapyýa gowuşsa.

Şahyr bolmak isläbem,
Dözümmiz ýok köp zada.
Meger, ýükümiz has kän,
Injigimiz çöp ýa-da...

16.09.2018 ý. 09:22

Sapa HOMMADOW.