Şahyrym

ŞAHYRYM

Azadynyň ýolun tutan perzendi,
Guba düýä barabardyr her bendi,
Kämil setirleňde gözüm eglendi,
Şygyrlarňy jandan söýdüm, şahyrym.

Ar-namys, azatlyk, erkinlik isläp,
Dür saçdyň dahandan yzyny kesmän,
Berkarar döwleti köňülde besläp
Şat günleň geljegin duýduň, şahyrym.

Pikir derýasyna akyl gämisin,
Batyryplar ýazdyň köňül kelamyn,
Jana deňäp goç ýigitleň namysyn,
Parasatly sözler diýdiň, şahyrym.

Sen şahyr, sen weli, sen beýik alym,
Halkyň bilen bagly bütin ykbalyň,
Geldi çoh garaşan ajap eýýamyň,
Dürdäneleň dilde aýdym, şahyrym.

Şemşat UMMADOWA,
Döwletmämmet Azady adyndaky Türkmen milli dünýä dilleri institutynyň 5-nji ýyl talyby.