07:58 Unut sen meni | |
UNUT SEN MENI
Unut, Sen meni unut! Yrsara, Saý meni ömür ýagmajak Bulut, Unut, Sen meni unut! Bahar gelip, Gapyňyzdan jyklanda, Meni görjek bolup penjiräňizden Jyklama, unut! Käte.ýakyn adamlarňy ýoklaňda, Meni nätanyş saý, Ýa-sypdyr gözden, Ýoklama, unut! Tolgunma baharyň aýdymlaryna, Çoýunma tomusa, Näzik kalbyňy Otlama, unut! Parhsyz gara geçen günleň baryna, Ýum gözüňi, janym, olaň birinem Ýatlama, unut! Aldanma sen Boş hyýallaň alyna, Dowamy ýok başlangyja guwanma. Duşdan geçen pursat ýene alnyňa Gaýdyp geler diýseler-de ynanma. Gaharlanma, Çytma gaşyň, aýyp bor, Hemem bizi giç duşuran ykbala Käýinme, unut! Ýöne sen, isleseň, meni aýypla, Sebäp gözlemäýin özüm aklara, Kaýyl men, unut! Kaýyl men, Gorkak saý, gepe düşmez saý, Doň ýürekleň hataryna goş meni. Kaýyl men, Hökümli bakyşlaryň goý, Ýandyrsyn, dowzaha etsin duş meni. Kaýyl men, Gezeýin nalalar dartyp, Kalbymdaky ýaralarym, goý, ömür Bitmesin, unut! Diňe aýak tozuň gözleme sürtüp Ýören ýigdiň birden ýüregne şikes Ýetmesin, unut! Kyn düşse-de, Aýralygyň azaryn Çekip-çydaryn. Garaz, ýyldyrym dek geçen şo günleň Begenjin, Buýsanjyn – baryn Unutjak borun. Ýöne olam birden maňa başartman, Yzyňda ýegşerlip, Galsam-da, unut! Seni ömürbaky unutmajagmy Bilseň-de, unut! Unut Şol ýigidiň hatyrasyna, Saý meni hiç mahal ýagmajak bulut, Unut! Sen meni unut! Italmaz NURYÝEW. | |
|
√ Tilki bilen üzüm / basnýa / Goşgular - 10.01.2024 |
√ Aldawçynyñ pañ-pañy / Goşgular - 18.01.2024 |
√ Düýşgowuran / Goşgular - 08.04.2024 |
√ Kyrk ýaşa ýeteniñde / Goşgular - 03.02.2024 |
√ Är garrar... / Goşgular - 30.04.2024 |
√ Puluň başarnygy barada agymtyl goşgy / Goşgular - 10.01.2024 |
√ Käbir aýallara melek diýýäñiz / Goşgular - 04.02.2024 |
√ Sumbaryñ kenarynda / Goşgular - 01.01.2024 |
√ Tazy / Goşgular - 30.01.2024 |
√ Ak buýnuzly ak maral / Goşgular - 01.01.2024 |
Teswirleriň ählisi: 1 | ||
| ||