Главная » 2022 » Maý » 9 » Uruş ýyllarynyñ poçtalýony
10:22

Uruş ýyllarynyñ poçtalýony

URUŞ ÝYLLARYNYÑ POÇTALÝONY

Söweş meýdanyndan gelýän şol hatlar,
Sowukdy, sowukdy buzdan bäş beter.
Eliñe alañda şagga der basýar,
Yssydy, yssydy közden bäş beter.

Dagyñ bölegini göterýän deýin,
Ýegşerilýäñ, ýer ýarylsa girmeli.
Dözüp bormy aglatmaga Enäni,
Ýeri, onsoñ haty nädip bermeli?

Soragly seredýän müýnsiz gözleriñ
Gowy habarlara umydy bardy.
Adam bolup adam öñünde durmak,
Şol pursat bar zatdan juda agyrdy.

Taşlajak bu käri,
Arman, alaç ýok.
Işlemeli dünýä abat bor ýaly.
Faşistlere nälet okasalar hem,
Gözýaşlara özüm sebäpkär ýaly.

Rejep ARAZDURDYÝEW.
Категория: Goşgular | Просмотров: 222 | Добавил: Haweran | Теги: Rejep Arazdurdyýew | Рейтинг: 5.0/2
Awtoryň başga makalalary

Goşgular bölümiň başga makalalary

√ Dostluk hakda / Goşgular - 18.02.2024
√ Perişan kalbyñ umydy / Goşgular - 01.01.2024
√ Salam, Türkmenistan! / Goşgular - 01.01.2024
√ Erjellik / Goşgular - 05.01.2024
√ Rubagylar / Goşgular - 01.01.2024
√ Kyrk ýaşa ýüzlenme / Goşgular - 03.02.2024
√ Sumbaryñ kenarynda / Goşgular - 01.01.2024
√ Nokat / Goşgular - 28.01.2024
√ Göreş / Goşgular - 11.02.2024
√ Yzany yşkyma ýamag etdim / Goşgular - 15.04.2024

Teswirleriň ählisi: 1
0
1 Garayolly1936  
830
Bu şahyr gaty ir gitdi. Açyk gowün, mylaýym oglandy. Goşgy ýazmaga yhlasy juda güýçlidi. Näme sebäpdendigini bilemok, özuni özi helak etdi diÿdiler. Özuni asmaga getiren ahwalyñ anygyny bilen bolmady. Göwni giñ ÿigitdi. Gaharly wagtyny goremak. Giñgowundi ÿogsa. Görjegi öñdedi. Imany hemra bolsun. Rejepgeldi Mejikow, Rejep Arazdurdyýew gaty ir gitdiler. Olaryñ nazarÿeti siñmeli, gör, näçe goşgylar doremän galdy. Arman, olaryñ şygyrÿet dünÿäsindaki liriki gahrymanlaram olaryñ özleri bilen gitmeli boldy. Ýatan yeriñiz ÿagty bolsun, dostlarym! Hasratly gecmiş hatyralanÿan şu gunde sizi hem hatyralap ýatlamaly boldy. Galanlaryñyza ömür bersin!

Teswiri diňe saýta agza bolan ulanjylar goşup bilýär.
[ Agza bol | Saýta gir ]