17:17 Ýaponiýa gaýybana syýahat | |
ÝAPONIÝA GAÝYBANA SYÝAHAT
Üç-dört penjireli pessejik mekdep, Geçýänimiz geografiýa sapagy. Häzir hem ýadymda mugallymmyzyñ Ýyldyz yzy galan gaşly sapagy. Ýene uruş hakda gürrüñ bermegni Ýoldaş mugallymdan haýyş edýäris. Ol diýýär: "Ýaponiýa diýilýän ýurda Gaýybana syýahata gidýäris!" Mugallymmyz gürrüñ berýär Ýaponiýañ Tokaýy, derýasy, bar ýeri hakda. Sesimiz çykarman diñleýäris biz Fudziýamañ ap-ak garlary hakda. Diñleýäs. Ol ýerde bomba oklanan Hirosima hesret bilen dem alýar. Sadako Sasaki atly gyzjagaz Şöhle keselinden asgynlap barýar. Mugallym gürleýär - Sadakoñ ýanna Akylly, saýhally doktorlar gelýär. Olar diýýär: - Sadako jan, Sadako, Müñ sanjak durnany ýasasañ bolýar! Ýasaber, ynha şu akja kagyzdan, Ganatly et, uçup gitsin durnalar! Müñünji durnañ hem uçar welinjik, Sagalarsyñ, nepesiñ hem durlanar. Mugallym gürleýär - Sadakojygyñ Eli ysgynsyz, başaranok işini. ...Gapdalymda Abat atly klasdaş Ýaglym bilen süpürýär gözýaşyny. Birdenkä-de şakyrdady partalar, Her kim surat çekýän albomyn açdy. Ertesi on dokuz sany ak durna, Aýdyşlarna görä, Ýaponiýa uçdy... Ýetjekdik biz Sadakonyñ dadyna, Näbileli oña ýetmejegimizi. Hem-de gaýybana Ýaponiýa taýa Ýöne syýahata gitmejegimizi!... Orazmyrat GURDOW. | |
|
√ «Превратила всё в шутку сначала…» / Goşgular - 29.02.2024 |
√ Ýagyş damjasy / Goşgular - 24.03.2024 |
√ Sumbaryñ kenarynda / Goşgular - 01.01.2024 |
√ Şert / Goşgular - 09.02.2024 |
√ Hasap / Goşgular - 18.02.2024 |
√ "Bagşylara" / Goşgular - 07.02.2024 |
√ Şemally gün / Goşgular - 27.01.2024 |
√ Wiswisi lakamly obadaşymyň ömür beýany / Goşgular - 25.03.2024 |
√ Победителям / Goşgular - 29.02.2024 |
√ Gije hem gündiz / Goşgular - 07.02.2024 |
Teswirleriň ählisi: 0 | |