"Alaç ýokdur ähli zatdan geçäre..."

"ALAÇ ÝOKDUR ÄHLI ZATDAN GEÇÄRE..."

Ahmet Bekmyradowyñ ýagty ýadygärligine

Alaç ýokdur ähli zatdan geçäre,
Oturansyñ ýeke özüñ biçäre.
Elbetde, baryna düşünmek gerek, -
Bize görä güýçlüräk-dä bu pelek.
Pazrak halysyny öñüme ýazdyñ,
Geçmişimiz diýip örtendiñ, ýandyñ.
Ýadyñdady ähli şemiñ sönýäni,
Lowurdaýan şemler Allañ söýýäni.
Sen diýerdiñ:
"Seýdi kimin, sönmen men!"
...Bu gün bolsa sen hakdaky setirlem
Ýazyp oturan
bir bialaç türkmen men.

* * *

Otyryn men düýnki günüñ öñünde,
Hyrçymy dişleýän, başymy yrap.
Düýnki günüm geçip barýar biderek.
"Hoş!" diýýär ol gussa bilen ýalbyrap.

Hudaýym saklasyn şeýle bolmakdan,
Tutuş geçip giden ömrüñe garap.

Orazmyrat GURDOW.