Ýaşlar

ÝAŞLAR

Gadam ursa, böwsüp dagy,
Köwer gurşun, kömri ýaşlar.
Güýç-kuwwatyñ joşýan çagy,
Tasa getir demri ýaşlar.

Polada degse ereder,
Azm ursa gudrat döreder,
Doñ ýatan çoýny ýöreder ㅡ
Meger, berse emri ýaşlar.

Duşmana ýörse ㅡ gaçyrar,
Deñizden gury geçirer,
Burmasyn burar uçurar ㅡ
Gökde gezer gumry ýaşlar.

Teşnäni suwdan gandyrar,
Çöli gülzara döndürer,
Islese her zat öndürer,
Demir, derman-däri ýaşlar.

Keser geçer ㅡ göýä almaz,
Sarp etse güýji egsilmez,
Ýaşlyk mydam, baky galmaz,
Peýdalansyn ömri ýaşlar.

1948

Berdi KERBABAÝEW