19:58 Ýatlama | |
ÝATLAMA
Deň-duşlarma duşýan obama barsam, «Maşyn-maşyn», «toý-toý» oýny ýatlanýar. Geljegiň gamlaryn unudyp bir dem, Sümüklije çagalyga ätlenýär. Gelin bolan bordy goňşulaň biri, Ýoldaşy bolardy başga bir gerçek. Ejeleri bolsa çynyrgan bolup: «Pylanjan ulalsa, gyzymy berjek». Pylanjanymyza ulaldy welin, Biraz jübüleri ýuka ýetişdi. Kakasy ýogalyp, gurpy gowşansoň, Gyz berjek goňşulaň sesi ýatyşdy. Şeýdip, «toý-toý» oýny çagakak başlap, Tükenenlerem bar boý ýetenden soň, «Maşyn-maşyn» oýny bolsa dynardy, Gün ýaşyp, giç düşüp ýol ýitenden soň. Käte şol günleri küýseýär ýürek, Nätjek geçen pursat gaýdyp gelmeýär. Ejeň hem kakaňy garradan durmuş, Seň kastyňa çykyp, elin çermeýär. Ömür geçýär, näçe ulaldygymyzça, Dünýä erkimize goýmaýar bizi. Bu durmuşy oýna salyp gezerdik, Indi bolsa durmuş oýnaýar bizi. KERIM HALLY. | |
|
√ Yzany yşkyma ýamag etdim / Goşgular - 15.04.2024 |
√ Perişan kalbyñ umydy / Goşgular - 01.01.2024 |
√ At galar / Goşgular - 11.02.2024 |
√ «Превратила всё в шутку сначала…» / Goşgular - 29.02.2024 |
√ Käbir aýallara melek diýýäñiz / Goşgular - 04.02.2024 |
√ Göreş / Goşgular - 11.02.2024 |
√ Täjir tanşyma / Goşgular - 16.01.2024 |
√ Rubagylar / Goşgular - 13.01.2024 |
√ Жизнь / Goşgular - 29.02.2024 |
√ Salam, Türkmenistan! / Goşgular - 01.01.2024 |