Ýylgyr

ÝYLGYR

Ýylgyr, ýazlaň ýalkymyna ýylanyp,
Göwün gülün guradýandyr gaýgy-gam.
Ýylgyr, ýyllar geçip barýar aýlanyp,
Mümkin däl-ä munda baky galmagam.

Ýylgyr, için ýakyp gaýgy-aladaň,
Gamly günleň ýumagyny çözme sen.
Taparsyň şatlygyň göwnüne degmän,
Kynçylyk içinden bagty gözleseň.

Ýylgyr, ýalňyşmaýan adam barmy,heý,
Hatalardyr bu durmuşyň sapagy,
Ýeñiş diňe merdi gözläp tapýandyr,
Ak daňlaryň tapyşy deý şapagy.

Ýylgyr, undup göwne degen sözleri,
Gögertme kalbyňda kine tikenin.
Gyýlyp göwün ganatyny gyrmakdan,
Sogap işdir bagt baýdagyn dikeniň.

Ýylgyr,kylyp baýlyk, baryňa şükür,
Sabyrlylyk melhem derde düşene.
Durmuş göni ýolly otly däl ahyr,
Kötel, kynlyk gelse ondan düşere.

Ýylgyr, geçenlere ökünip ýörmän,
Gussalaryň eýlär alada ýesir.
Özdiýenli ykbal gaşyn çytmasyn,
Herne ýazgytdaky zatlar bor nesip.

Ýylgyr, düşmez gülen ýüzlere ýygyrt,
Gülüp gelýän günler gözeldir, gözel.
Şatlygy özüne syrdaş edinen,
Bu durmuşda diňe gowlugy görer!

Nury SAKÇYÝEW.