08:16 35 ýaşyñ hyýaly | |
35 ÝAŞYŇ HYÝALY
Kalbym basyrylan çäýnek deý göýä, Demin alan duýgularym goýaldy. Ýüregim - çyrp urýan bir bilbilgöýä, Saýradykça, dili süýjäp, boý aldy. Ruhum Arşda bulutlara degip dur, Men ýerde däl, käte gökde ýöredim. Göwnüme, burnuma ysy gelip dur Gursagymdan ýanyp duran ýüregiň. Hasratyny çekdim niçeme güýzleň, Niçe ýazlar ömre berdiler öwşün. Mydam ýagşylyga dikildi gözlem, Ýylmanak gözeller çekmedi ünsüm. Otuz bäş ýaş - ömrüň syrly öwrümi, Ruhumda ýaňlanýar şirin mukam, heň. Ýöne otuz bäşde tapman göwnümi, Ondan soňam tapyp bilermikäm men?! Neneň biljek bu günleri halaman, Bilseň, ýaşlyk dälmi iň hezil döwrüň?! (Mekge satýan owadan gyz, nalama, Belki mekgäň deýin süýjüdir ömrüň!) Yşkyňy soraglap ençe aý-günden, Bolsa söýgä başyň egen gezegiň. Gyzlar köýnegini bezese gülden, Men özümi yşkym bilen bezedim. Goý, dilden düşmesin aýdym, köne heň, Gideli ýaşlygyň elwan ýazyndan. ...Maňa ýetdi otuz bäş ýaş, ýöne men Ýetermikäm otuz bäşiň yzyndan?! Goçmyrat ORAZBERDIÝEW. | |
|
√ Salam, Türkmenistan! / Goşgular - 01.01.2024 |
√ "At bilen kowalap gördüler ony..." / Goşgular - 01.01.2024 |
√ Gökdepäm / Goşgular - 22.03.2024 |
√ Yzany yşkyma ýamag etdim / Goşgular - 15.04.2024 |
√ Garyp köñlümiñ soltany / Goşgular - 21.02.2024 |
√ At galar / Goşgular - 11.02.2024 |
√ Alabahar / Goşgular - 21.03.2024 |
√ «Отвергнув гордое сомненье…» / Goşgular - 29.02.2024 |
√ Şemally gün / Goşgular - 27.01.2024 |
√ Çarwa arabyñ söýgüsi / Goşgular - 10.02.2024 |
Teswirleriň ählisi: 2 | |||
| |||