Главная » 2021 » Dekabr » 26 » Täze ýyl gutlagy
15:55

Täze ýyl gutlagy

TÄZE ÝYL ARZUWY

Arzuwlaryň ýyldyz edip seç göge,
Umyt ýüregiňde ýarsyn şinesin.
Asmanda dogan Gün, gel-de, geç töre,
Saýrak guşlaň, goý, ýüregi giňesin.

Günler şatlygmyza bolsun sebäpkär,
Her ojaga ýylgyrjaklap bagt dolsun.
Göwnüň göge galmagyna sebäp kän,
Bir-birege mähir, söýgi nagt bolsun.

Boýumyzy deňläp bagtyň boýuna,
Ak ýollara alyp gitsin ädimler.
…Gursagyna ýyldyz bary goýulan
Arçalar — bagtyna meňzeş adamlaň.

Ruhumyza juda golaý bu ýyllar,
Ömürlere şatlyk nury sepilen.
Gel, arzuw edeli, köňül ýylynar,
Dosta sary açyk dursun gapylar.

Her bir öýde şatlyk, gülki bol bolsun,
Aýdalyň biz bagtyýarlyk nagmasyn.
Täze ýyl şeýle bir şowly ýyl bolsun,
Goý, arzuwlar hasyl bolman galmasyn!

Goçmyrat ORAZBERDIÝEW.
Goşgular
Категория: Goşgular | Просмотров: 998 | Добавил: Edebiyatcy | Теги: Goçmyrat Orazberdiýew | Рейтинг: 4.8/4
Awtoryň başga makalalary

Goşgular bölümiň başga makalalary

√ Meýdan güli / Goşgular - 30.01.2025
√ Dünýä maňa aşyk bolsun! / Goşgular - 07.01.2025
√ Şaglawuk / Goşgular - 02.01.2025
√ Ýaraly ýüregiň owazy / Goşgular - 22.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Dostum, arz et jemalyň, janymyz bolsun fereh... / Goşgular - 04.01.2025
√ Oňşuksyz öý / Goşgular - 12.01.2025
√ Lolular / Goşgular - 08.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Eýledi ýar meni dert ile awara, medet... / Goşgular - 12.01.2025

Teswirleriň ählisi: 10
0
1 Edebiyatcy  
15
Ýetip gelýän TÄZE ÝYL bilen saýtdaky ähli agzalary, tanyş-u-nätanyşlary, galamdaşlary... hemmeleri gyzgyn ýürekden gutlaýan. Goý, 2022-njy ýyl jaýsyz kösenýänlere jaý, taýsyzlara taý, atsyzlara at-abraý, söýgüsizlere egsilmez söýgi, mähir bersin. Iň esasy, her birimize SAGLYK bersin! Öý-ojagymyzyň bereketi, rysgal-döwleti egsilmesin! Ýurdumyz abadan, köňlümiz rahat bolsun! Ylhamly, joşgunly, maskasyz ýyl bolsun!
Ýene-de bir gezek TÄZE ÝYLYŇYZ BILEN, jigerdeşler, ýürekdeşler, könüldeşler!

0
3 mango  
651
Ylhamly, joşgunly, maskasyz ýyl bolsun!
Oooooooo! Goç sokup galdy. :-)

0
2 Garayolly1936  
830
Siziñem yetip gelyan taze ÿylyñyz gutly-mubarek bolsun. Maşgalañyz, öÿ-ojsklaryñyz abadan bolsun. Sacagyñyzyñ degresinde agzybir maşgala bolup döwre gura:p oturmak hemişe miyesser eylecin. Hemmañiziñ bosaga gelen taze ÿylyñyzy tuÿs ÿurekden gutlayaryn gadyrly dostlar we doganlar.

0
4 mango  
651
…Gursagyna ýyldyz bary goýulan
Arçalar — bagtyna meňzeş adamlaň.

Gursagy ýyldyz bary bilen bezemegi men-ä bagt hasaplamok.
Ýalpyllap duranja ýyldyzam-a kem däldir welin, edil bagt o däl bolsa gerek. :-)

Gel, arzuw edeli, köňül ýylynar,
Dosta sary açyk dursun gapylar.

Ine bu horoş!
Arzuwam däl-de dileg etsene, ýagşy dilegler.
Bir-birege edilen dilegler, özüňe edilen dilegden üstün hasaplanýar, kabul bolmasam çaltlaşýa - diýip eşidipdim.
Dileg et. Haýyrly dileg. Isle umumyň içinde dile, isle adymy tutup dile.
Dilegiňe mätäç.

0
7 Edebiyatcy  
15
Şol arzuwlar, aslynda, dileg etdigim agam!

Gursagyna ýyldyz bary goýulan, bezelen arçanyň göze ýakymlylygy - bagtly adamyň keşbine meňzeş diýdigim agam! Bagtly adam derrew göze ilýändir.

Bir-birege ýagşy dilegleri gysganmarys, agam!

0
5 ibrahimbadakhshan  
694
Täze ýyl üçin döreden ÿakymly, akymly goşgyñyza Tañryýalkasyn Goçmyrat! Gowy goşgy! Menem ýetip gelýän Täze ýyly Size, içeri maşgalañyza, hem-de kitapçy saýtynyñ başga agzalarna tüýs ÿürekden gutlaýaryn! Siziñ arzuwlaryñyz barymyzyñ arzuwlarymyz bolup biler, Arzuwlar hasyl bolsun!

0
6 Edebiyatcy  
15
Ýagşy arzuwlaryňa bizem goşulýas agam! Köp sag boluň!!!

0
8 Gumlygelin  
8
Goý, ýagşy dilegler Hakyñ dergähinde hasyl bolsun!

0
9 Edebiyatcy  
15
Garaz, toýlarymyz kän bolsun, ol toýlarda-da biz bar bolaly diýsene:-):-)

0
10 Ejeşa  
1060
Gutlayan, saglyk bolsun!

Teswiri diňe saýta agza bolan ulanjylar goşup bilýär.
[ Agza bol | Saýta gir ]