Allaýar Çüri

ALLAÝAR ÇÜRI

Halypa şahyr Azat Rahmanowyň äheňinde
Ussat şahyr Allaýar Çüriýewe bagyşlanýar

Allaýar Çüri -
Ýok onda hile.
Arkaýyn ýola,
Gidip bor bile.

Allaýar Çüri -
Ýazýandyr hikmet.
Ýöne hiç kime,
Atmaz ol töhmet.

Allaýar Çüri -
Şahyrlaň biri.
Ýok, ýalňyşdym ol:
Ynsanyň zory.

Allaýar Çüri -
Yşkyň hesiri,
Kalbynda mydam,
Şygryň ýesiri.

Allaýar Çüri -
Ýetmiş bäş saly.
Goşgusy bilen,
Begendir ili.

Allaýar Çüri -
Şygry ýerbe-ýer.
Okasaň birin,
Hoşwagt bolar ser.

Allaýar Çüri -
Bagtyýar Adam.
Halamaz ony,
Akmakdyr-nadan.

Allaýar Çüri -
Maksada sary.
Okgunlydyr ol,
Hak bolsun ýary.

Döwletmyrat ÝAZKULYÝEW.