Annasoltana

ANNASOLTANA

Salam saña,
Guburlaryñ ezizi,
Gubur içre ýatan dogryñ diregi,
Bu gün saña ýürek isläp getirdi,
Bu samsyk hem däli kalbym ýanyña,
Sorap idäp men-ä bu gün ynansañ,
Gelip, soñam içimdäki dökülmez
Dertden doly gam-gussany getirdim.
Wah gaýgy-gam mende dörejek däldi,
Hemem seni gynandyrmak islämok,
Ýöne welin dirileriñ içinden,
Tapyp bilmän derdinşere bir ynsan
Boýnum burup peselýärin wah arman,
(Hemme şahyrlardan, ýazyjylardan,
Döwürdeş hem seniñ garyndaşlañdan,
Öýke-gahar edip bu gün gaşyña,)
Birsalymlyk myhman alsañ galaýyn,
Guburyña gözde ýaşym damaýsa,
Öýkeleme, sen hemmäni geçirip,
Bilşiñ ýaly, bu gün menem bagyşla,
Sebäp...
Ynjydylan, geçen göwniñ jemlenip,
Her gün meniñ ýüregime sanjylýar,
Bagyşla sen geçirimli bol bize,
Zenan mähri geçirimli bolýar-a,
Bu añzakly gyşyñ birinji aýy,
Razy bolsun ruhuñ bizden elmydam,
Seniñ we señ döwürdeşleñ razysyn,
Almasak biz elmydama kösenýäs,
Sylap bilmesek biz
Ölenleñ ruhun,
Nädip biz (bu) dirileri sylaly,
Bu gün seniñ hatyrañy ýat eýläp,
Goşgularñy köñüllere saz eýläp,
Suratyñy çekip, täze boýagdan,
Görenlerme gürrüñ berdim ykbalyñ,
Ömürýoluñ duýan her bir adamzat!
(Hemem seniñ zäherli ok hak sözüñ,
Eşidenler haýran galdy, gynandy)
Eger-de meñ elimden bir geläýse,
Bodloýdäki Liberti heýkeline,
Meñzeş seniñ heýkeliñi ýasardym,
Uzap duran otly alawa derek,
Ýaldyraýan göwher daşyn goýardym,
Hawa, sen meñ üçin, şeýle heýkelsiñ,
Şonda seniñ ýadyñ dillerden düşmez,
Senem razy bolarsyñ hem bizlerden...

11.12.2020