Atanyñ, kakanyñ, agtygyñ düşnüksiz gatnaşyklary

ATANYÑ, KAKANYÑ, AGTYGYÑ DÜŞNÜKSIZ GATNAŞYKLARY

• Ýa-da Soner Ýalçynyñ "Tagut. Mukaddes aldawyñ şejeresi" kitaby hakynda

Ýüzýyllyk däl, müñýyllyk ýalanyñ şejeresi aslynda. Ol şeýle bir daragt welin, ýalandan düzülen şahalary biziñ günlerimize çenli gelip ýetipdir...
Ony çyrpyşdyranyñ, gyrkyşdyranyñ bilen bolmaýar, ýalanyñ köküni goparyñ zyñmaly bolýarsyñyz, hemme zat bilmek bilen başlanýar!
Kitapda ünsümi çeken bölümiñ üstünde aýratyn durup geçjek, ýöne ilki käbir zatlary ýatlatmagyma idin beriñ...
Meselem... Gurhanda “eşşejeretül melgun" sözi bar. Bu, "näletlenen daragt - şejere" diýmegi añladýar. Aslynda Umeýýe ogullaryny (omeýatlar, ýagny emewiler) alamatlandyrýar.
Hakyky yslamyñ içini köwüp boşadanlar... Ýalan-ýaşryk toslamalardan we hurafalardan dolduranlar... Asyl nusgasyndan üýtgän görnüş döreden... Gurhanyñ manysyny üýtgeden, ýoýan...
Mugawyýalaryñ, Ýezitleriñ, Merwanlaryñ nesil daragty ýagny. Gynansak-da, häzirem olaryñ ýalanlary ýaşap ýör.
Meselem, "Haýyram, şerem Alladandyr" sözi hakykatdanam şeýledir öýdýärsiñizmi? Ýok, beýle däl. Eýse Gurhan "Haýyr Alladandyr, şer nebisden" diýenokmy näme birgiden aýatynda?
Ýogsa-da, bu sözüñ nireden çykandygyny ýazaýyn...
Jad ibn Dirhem atly bir jöhit ýaşap geçipdir. Ol Ýezide Kerbela gyrgynçylygyndan soñ bir zady maslahat beripdir: "Adamlar Hüseýiniñ başyna inenlerden sebäp seni ýazgarjak, nälet okajak bolsalar, sen olara: "Hudaýyñ takdyry şeýle eken. Haýyram, şerem Alladandyr diý". Ýagny “...haýrun şerrun mun Allahu Tealâ”...
Ýezidem Jad ibn Dirhemiñ aýdyşy ýaly etdi, hatda köşgüniñ dört burçundan gara baýdaklary asdyrdy. Hamana ol ýas tutýardy!
Ine, häzirem aramyzda ýaşap ýören ullakan ýalanyñ tohumy şol gün atyldy... Kitaba uýmadylar, kitabyna uýdurdylar!
Adamlary aldawa düşürdiler... Aldadylar...

• Yşykçylar

Indi bolsa başga bir neberäñ gürrüñini edeliñ...
Soner Ýalçynyñ "Tagut" kitabynda ýazan agtygyñ, kakanyñ we atanyñ, has takygy Müjahit Öreniñ, Enwer Öreniñ we Hüseýin Hilmi Yşygyñ gürrüñi...
Kitapdan käbir sitatalara salgylansak gowy bolar:

"Adanadan uçan "U-2" amerikan uçarynyñ Sowet Soýuzynyñ territoriýasynda düşmeginiñ añyrsynda Pentagondaky we Napolidäki ylmy işler bardy. Olara ABŞ-ly Isidor Isaak Rabi we angliýaly Solomon Zukerman ýaly alymlar ýolbaşçylyk edýärdi. Arkasynda bolsa "Rokfeller" fondy! Napolidäki "Ylym komitetine" Türkiýe 1961-nji kimi iberendir öýdýärsiñiz: Täze biologiýa mugallymy Enwer Ören. Müjahidiñ kakasy!"

“…Şeýle diýdiler: Respublikan hökümet dini gadagan etdi. Žandarma dini ynançly raýatlara ezýet berdi. 1929-njy ýylda Hüseýin Hilmi Yşyk Stambulyñ "Halijiogly" harby liseýinde (gimnaziýasynda) okap ýörkä, anna günleri "Eýýup" metjidine jumga namazyna gidip, Abdylhekim Arwasynyñ wagyzlaryny diñledi we öýünde dini sapaklaryny dowam etdirdi. Medisina fakultetinde okap ýörkä Arwasynyñ islegi bilen dermanhanaçylyk bölümine geçdi. Türk goşunynda himik bolup işledi. 1947-nji ýylda Bursanyñ Harby liseýinde mugallymçylyk etdi, soñra şol liseýde müdir boldy. Yzyndan Kulelidir Erzinjanyñ harby liseýlerinde 1960-njy ýylda polkownik çininde otstawka çykýança işledi. Okuwçylaryna her daýym "Şu metjide gidip, şu mollany hökman diñläñ" diýse-de, garşysyna ýeke derñew işi gozgalmady. Şeýle-de mugallymçylyk edip ýörkä, 1956-njy ýylda kolonkalardan azan okamaly däldigini blomba diş bilen boýalan saç bilen täret alyp bolmajakdygy ýaly hurafalaryñ bolan "Ebedilik sagadat" ("Seadet-i Ebediyye") kitabyny çap etdirdi. Bir ýyldan soñ bu kitabyñ ikinji jildini çykartdy. Harby mekdeplere şeýh-mürit gatnaşygyny birinji bolup sokanam Hüseýin Hilmi Yşyk boldy. Yşykçy müritlerden biri-de geljekde köreleni bolan skripaž ýetim rumyn çagasy Enwer Örendi. Enwer Örenem şeýhi ýaly harby mekdeplerde himiýa mugallymy bolmak üçin Kuleliden Stambul uniwersitetiniñ Gumanitar ylymlary fakultetine girdi. Okuwyny gutaran badyna-da 1961-nji ýylda Napolä uçdy!"

“Yşykçy Enwer Ören NATO-nyñ beýnisine nädip girdi? Howpsuzlyk barlaglardan nädip gevdi? Birýarym ýyllap Napolide bolanda nähili kurslarda boldy? NATO-nyñ şol döwür düzen “Stay Behind” (Gladio) toparlanmasyna salyndymy? Sorag köp. Enwer Ören şol ýyllaryñ gürrüñini etmedi diýen ýaly. Gysgaça aýdanda şular ýaly boldy: MRU Ikinji jahan urşy gutarandan soñ nemes faşistlerinden şu strategiýany aldy: Milli-halkçy güýçlere garşy dini ulanmak! "Sowuk uruş" döwründe gaty köp musulmany özlerine öwürdiler! FETÖ bularyñ diñe biridi. Yşykdyr "Illýuminati doganlaryñ", Güleniñ we Öreniñ Erbakana duşmançylyk etmegi tötänlikmi? MRU Fethullah Gülene "ýaşyl karty" we Müjahit Örene amerikan raýatlygyny ýöne ýere bermedi!"

"İhlas" habarlar agentligi nädip guruldy? Kim gurdy, nämüçin gurdy? Kitapda bu boýunça bölümde nämeler ýok!
MRU-dyr MOSSAD-yñ agentleri bilen ýakyn gatnaşyklar...
"TGRT TV" kanalynyñ ýokary düzümli ýolbaşçylarynyñ arasyna ýerleşdirilen amerikan içalylary...
"Ergenekon-Balýoz" duzaklarynyñ başlan döwründäki sistematiki ýalanlardan we töhmetlerden doly habarlar...
Amerikan diplomatlary bilen ýakynlaşmalar...
Strategiki geñeşçiler...
Haky lomaýja berilen işler...
"Örenlerden" "Gülenlere" berilen baýraklar...
Latwiýanyñ hormatly konsullygy...
ABŞ-dyr Ysraýylyñ täsirindäki guramalar...
Atlantik sowetler (Atlantic Council)…
ABŞ-nyñ raýaty bolmalar we ş.m...
Birnäçesiniñ adyny kitaba salgylanyp bereýin:

• Yşykçylaryñ düşnüksiz gatnaşyklary

Amerikan diplomaty Mark Grossmanyñ birinji işläp başlan ýeri Päkistandy. NATO-da boldy. 1989-1992-nji ýyllarda Ankarada inspektor, 1995-1997-nji ýyllarda adatdan daşary we doly ygtyýarly ilçi bolup işledi. "28-nji fewral" döwründe Ankaradady! Ýaragly Güýçleriñ edara binasyny diñlemekde oýnan roly aýan bolan ABŞ-nyñ Adanadaky konsuly Elizabet Şelton bilen 1997-nji ýylyñ iýulynda Türkiýeden gyssagly çykmaly boldy.
Soñam Türkiýe bilen gatnaşygyny kesmedi. Grossman "Ergenekon-Balýoz" duzaklarynyñ merkezi metbugat organy "Taraf" gazetiniñ koordinatory Ýasemin Çongara beren dört günlük reportažynda Türkiýäniñ has köp awtonom režime geçmekligiñ gürrüñini etse gowy boljakdygyny aýtdy.
Diplomat Grossman Yraga çozulmanka ABŞ-Türkiýe memorandumy üçin geçirilen gepleşiklerine-de gatnaşdy we her gezeginde Türkiýäniñ arkasyndan pyçaklady: Barzanidir PKK-ä goldaw berdi.
ABŞ-nyñ Daşary işler ministriniñ üçünji belgili adamy 54 ýaşynda 2005-nji ýylda pensiýa çykdy we "İhlas" toparyna 100 müñ dollara translýasiýa edildi! Grossmanyñ "İhlasdaky" birinji eden işi şudy: Mediýa läheñi Rupert Murdoçy Türkiýä aralaşdyrdy. "İhlasyñ" "TGRT" kanalyny Murdoça berdirdi...
Grossman 1997-2001-nji ýyllarda ABŞ-nyñ Goranmak ministrliginiñ garamagyndaky Uulýam S.Koeniñ eýelik edýän, otuz ýurtda işleýän "Cohen Group" halkara strategiki geñeşdarlyk kompaniýasyñ başlygynyñ orunbasarlygyna bellendi. Başlygyñ beýleki orunbasary bolsa, NATO-nyñ komanduýuşisi we ABŞ-nyñ Harby-howa güýçleriniñ komanduýuşisi bolan Žozef Ralstondy. General Ralston prezident Buş tarapyndan 2006-njy ýylyñ sentýabr aýtnda PKK-niñ koordinatorlygyna bellendi! Yzyndan PKK 2006-njy ýtlyñ sentýanrynda atyşygy bes edýändigini mälim etdi. Yzyndan açylşyk döwri başladyldy.
"Cohen Group" "Lockheed Martin", "General Dynamic", "Sikory Aircraft" ýaly uly ýarag kompaniýalary bilen hyzmatdaşlyk edip, bularyñ barsy Türkiýä ýarag satýan kompaniýalardy... "İhlas"-Grossman gatnaşygynyñ arkasyndaky güýç "Cohen Group" kompaniýasydy.
Tötänlik diýersiñizmi indi, bilemok? FETÖ-nyñ aklawjy goldawyny alýan "DLA Piper" býurosynyñ strategiki şärikdeşi-de "Cohen Group" kompaniýasydy.
"15-nji iýul" döwlet agdarylyşygyna synanyşykdan üç aý öñ Jahit Paksoý "İhlas" kompaniýasynyñ direktory bildy. Agdarylyşyga synanyşykdan soñ FETÖ guramasyna maddy ýardam etmeklikde aýyplanyp tussag astyna alyndy!

• "Baltika-Amerikan" azatlyk fondy

Amerikan raýaty Müjahit Öreniñ Nýu-Ýorkdaky gatnaşyk saklaýan ýerleri örän çuñ. 2010-njy ýylda gurlan “Baltic-American Freedom Foundation” (Baltıka-Amerikan" azatlyk fondy) fondunyñ dolandyryş düzümine alyndy.
Özem... Bu fonduñ hormatly esaslandyryjy başlygy pensiýadaky amerikan diplomaty Rozann L.Rijueý. Prezident Niksonyñ döwründe gepleşikleri esasy alyp baryjy bolup işledi. Reýgan-Gorbaçýow duşuşygy bularyñ biridi.
Baltika deñziniñ boýunda ýerleşen üç ýurt - Estoniýa, Latwiýa, Litwa Pribaltika ýurtlary ýa-da Pribaltika döwletleri diýip tanalýar. Bularyñ iñ uly gorkusy Russiýa. Hamana "howp astynda" diýen bolup, bu üç ýurdy 2004-nji ýylyñ 29-njy martynda NATO agza etdiler we 2004-nji ýylyñ 1-nji maýynda bolsa Ýewrobileleşige aldylar.
Latwiýa islendik pursatda çaknyşyk bolmagyna garaşylýan şular ýaly ýagdaýda Nýu-Ýorkyñ hormatly konsuly edip Müjahit Ödeni näme sebäpli aldyka? Onuñ düýp wezipesi nämedi?
Üstesine... Latwiýanyñ paýtagty Rigada 2006-njy ýylyñ noýabr aýynda NATO-nyñ baş sekretary Ýaap Hoop Shefferiñem gatnaşan NATO ýygnanyşygyñ Ýaş işewürler forumy geçirildi. Forumda açylyş nutugy bilen Latwiýanyñ Nýu-Ýorkdaky hormatly konsuly çykyş etdi. Ýakyn Gündogar we energetika howpsuzlyyy ýaly temalaryñ orta atylan ýygnanyşygynda Müjahit Ören "NATO-nyñ binýadyny düzýän kollektiwleýin howpsuzlyk hemmämiz üçin gerek" diýip başlan nutugynda Turgut Özaly öwüp arşa çykaranam bolsa, nämüçindir Erdoganyñ adyny-da tutmady!

• Gülene baýrak

ABŞ-da Jon Edwin Mroz tarapyndan 1980-nji ýylda gurlan "East-West Institute" (EWI) atly düşünje kluby bar. Ysraýylyñ ganatynyñ aşagyndaky bu gurama Russiýa boýunça barlaglar geçirdi, Gorbaçýowyñ "Aç-açanlyk we üýtgedip gurmak" syýasatynyñ yglan edilen günlerinde Moskwada alnyp barylan amerikan operasiýaladynsa juda täsirlidi. Ysraýyl-Palestina aradurarlygyna yapyşdy. ABŞ-nyñ Palestinany Azat ediş guramasyny (PAEG) ykrar eden ýagdaýynda PAEG-niñ hem Ysraýyly ykrar etmegi üçin Arafatdyr beýleki adamlar bilen örän gizlin duşuşyklary geçirdi.
Hawa, Müjahit Ören EWI-niñ dolandyryş düzümindedi...
Hem... EWI 2011-nji ýylda Parahatçylyk boýunça baýragyny Fethullah Gülene berdi...
Hatda... EWI-niñ başlygy Morz dabarada "Ynanýan gymmatlykaryny durmuşa geçirendigi üçin bu baýraga Mr. Güleni mynasyp gördük" diýdi.
BMG-nyñ öñki baş sekretary Kofi Annan, Bill Klinton, ABŞ-nyñ öñki daşary işler ministrlerinden Jeýms Baker bilen Madlen Olbraýt Fethullah Gülen hakdaky pikirini ekranda paýlaşdy.
Şeýle-de EWI 2013-nji ýylyñ 11-nji sentýabrynda "Ömürboýy durmuş" (“Hayat Boyu Yaşam”) baýragyny-da Ekmeleddin Ihsanogluna berdi...
Soner Ýalçynyñ "Tagut" kitabyndan ýene bir sitata salgylansam gowy bolar:

“…Şu tötänlik bolubilermi: Müjahidiñ atasy harby mekdeplerde mugallymçylyk eden köne ofiser. Daýzasynyñ adamsy harby gospitallarda lukmançylyk eden köne ofiser. Kakasy Kuleliniñ uçurymy, NATO-da tälim alan köne ofiser. Kakasynyñ "gata gutusy" reaksion pikirleri sebäpli goşundan kowlan köne ofiser. Kompaniýanyñ başlygynyñ wekili Harby-guryýer mekdebiniñ uçurymy bolan köne ofiser. Kompaniýamyñ ýene bir ýolbaşçy agzasy köne ofiser. Kompaniýanyñ adminstratiw işler boýunça müdiri köne ofiser. Kompaniýanyñ sosial işler boýunça direktory köne ofiser. Maslahatçysy Žandarma güýçleriniñ komanduýuşisi bolan serkerdäniñ inisi. Uýasynyñ äriniñ çykany Milli Howpsuzlyk gullugynda bölüm başlygy bolan kontrrazwedkaçy".

Aýtdym-a men: Aldanmak, aldawa düşmek islemeýän bolsañyz, ilki baş duşmanyñyzyñ kimdigini ýa-da kimlerdigini biliñ. Soñ yzy añsat...

Ilknur ALTYNTAŞ.

Odatv.com