Bilmedim

BILMEDIM

Garramyşam, joşup-gaýnap bilmedim,
Derýany gulaçlap boýlap bilmedim.
Höwesläp al şerap guýup bulgura,
Ýar lebi degmese, söýläp bilmedim.

Giderip eliňden näzenin ýary,
Eý, gardaşym, köp çekensiň azary.
Kysmat ýalňyz goýup, alýarmy ary?
Oýunmy ýa çyny, aňlap bilmedim.

Gorpdan gaýtjak-gaýtjak mahalyň boldy,
Muňa sebäp, belki, dahanyň boldy.
Gapdalyňda tilki, şagalyň boldy,
Laýa batdyň, çykdyň, zeňläp bilmediň.

Bilmediň, bilmediň, köp zat bilmediň,
Dogry sözüň heran-haçan ýelmediň.
Dagdan däl, barybir maýda silmidiň?
Hilebaz oýnuny oýnap bilmediň.

17.03.2023.

Surat: Pablo Pikasso / "Geniý we millioner"