Bol

BOL

Elli ýyllap tapmadygym,
Arzuwymda saýlanym bol.
Ýamanlykdan sap mellegim,
Daşyndan il aýlanym bol.

Berilmändir deňi-duşluk,
Ömrüň ahyrynda duşduk.
Saba geçdi, geçdi guşluk,
Giç görmeseň, öýlänim bol.

Däldi ilkinji zalym-da,
Hem öýlenen aýalym-da.
Bir ýar söýdüm hyýalymda,
Ylahymdan sogabym bol.

Daş depderim, zerden hatym,
Kem akylym, kem aýatym,
Ýagşylyga hemaýatym,
Ýamanlyga zowalym bol.

Agypdyr pelegiň eňki,
Sap-sary görünýär reňki.
Biz kim hemem biz kimiňki?!
Meniň baky sowalym bol.

Bu ýürege dogry düşün,
Gözleýär ol göwündeşin.
Bol meniň aýal görnüşim,
Ölen günüm dowamym bol.

Italmaz AKMYRADOW.