Hindi gyzy

HINDI GYZY

Hindi gyzy aýdym aýdyp,
Ýaman etdiň ýüregimi.
Ýatlatdyň ýaňadan gaýdyp,
Ýatlaman – diýp ýörenimi.

Aldandyňda uýduň bütin,
Ykbalyňa ezeliňe.
Meňzeş seniň tebigatyň,
Sada türkmen gözeline.

Ýürek näçe küýsese-de,
Söýgüliňe bakmadyň sen.
Göz ýaş näçe güýjese-de,
Ilden pynhan sakladyň sen.

Ýatlatdyň sen şeýdip-şeýdip,
Ýatlaman diýp ýörenimi.
Hindi gyzy aýdym aýdyp,
Ýaman etdiň ýüregimi.

Italmaz AKMYRADOW.