Главная » 2024 » Sentýabr » 13 » Bolarmy
13:35

Bolarmy

BOLARMY

Gözüme dünýäniň manysy dildar,
Sen bolmasaň, älem-jahan bolarmy?
Dertlä şypa gerek, aşyga didar,
Mejnuna Leýli dek melhem bolarmy?

Söwdügim, derdimi aňma aňmasaň,
Beýle parhsyz bormy ynsan balasam?
Her setirim saç ujuňa baglasam,
Galamym boýnuňa dagdan bolarmy?

Hiç kem-köst görmedim elde-bilekde,
Gez dünýäde şol el bilen gül ek-de.
Ynsda-jynsda, ýene hüýrde-melekde
Seniň ýaly pisse dahan bolarmy?

Her gije suwlasam öýüň daşyny,
Ýagyşdyr öýtmegin gözde ýaşymy.
Geň görme «Alyp dur — diýip — işigi»
Gapysy sakçysyz soltan bolarmy?

Yşk gedaýy bolup, gapyňdan gelsem,
Ajy söz aýtsaňam janyma melhem.
Eý, ylhamgözelim, berýärsiň ylham,
Onsaň seniň belli bahaň bolarmy?

Men haýyş edýärin Yşgyň adyndan,
Meni gysma çoýunýanja odumdan.
Seni dagy çykaraýsam ýadymdan,
Onsaň menden oňly adam bolarmy?

Italmaz AKMYRADOW.
Goşgular
Категория: Goşgular | Просмотров: 201 | Добавил: merdan18 | Теги: Italmaz Akmyradow | Рейтинг: 5.0/1
Awtoryň başga makalalary

Goşgular bölümiň başga makalalary

√ Atilla! / Goşgular - 30.08.2024
√ Gýoteden goşgular / Goşgular - 05.10.2024
√ Asmaýar / Goşgular - 07.09.2024
√ Öwütlerim / Goşgular - 10.06.2024
√ Şepelere häsiýetnama / Goşgular - 13.07.2024
√ Pilmahmydyň ölümi / Goşgular - 30.05.2024
√ Içgepletme / Goşgular - 12.05.2024
√ Ýer şar aýlanýar / Goşgular - 09.06.2024
√ Быть блондинкой... / Goşgular - 26.07.2024
√ Eý janlary süýjeden, huşly gider huşundan... / Goşgular - 26.09.2024

Teswirleriň ählisi: 1
0
1 merdan18  
1808
Bir gezek şahyr Kakabaý Gurbanmyradowyň öýünde goşgy okaşyp otyrkak, Gurbannazar Ezizow bilen ýolötenli şahyr Italmaz Akmyradowyň arasynda klassyky formalar barada jedel boldy. Italmaz Akmyradow goşgynyň murapbag-dörtleme görnüşinde ajaýyp goşgular ýazýardy. Barybir Gurbannazar oňa: «Italmaz, sen täze formalar gözlemeli, köne formalar bilen uzaga gidip bolmaýar, ol soňabaka öz-özüňi gaýtalamaga getirer. Dünýä çykmak üçin öň öz edebiýatymyzda ýok formalary ulanmaly» diýipdi. Italmaz her näçe ylalaşmasa-da, Gurbannazar mamlady. Onuň özi «Ýazlarym», «Daglar», «Gözüm düşdi» ýaly klassyky formalarda bäş-on goşgy ýazanam bolsa, ol, esasan, rus, ýewropa edebiýatyna ýykgyn etdi we beýiklige ýetdi.

Atamyrat ATABAÝEW,
Türkmenistanyň halk ýazyjysy.

Gurbannazar Ezizow bilen Italmaz Akmyradowy deňeşdirmek gerek däl-le, Italmaz şahyryň öz ýazyş dili başgaça. Dünýä tanalmasa-da türkmen üçin ajaýyp şahyr.

Teswiri diňe saýta agza bolan ulanjylar goşup bilýär.
[ Agza bol | Saýta gir ]