00:58 Çeňňek atdym arzuwlaryň deňzine... | |
|
ÇEÑÑEK ATDYM ARZUWLARYÑ DEÑZINE...
Goşgular
Dogry baha bermez hiç kim meňzime, Pikirlem içimi iýäýjek ýaly. Çeňňek atdym arzuwlaryň deňzine, Ýene-de gam-gussa iläýjek ýaly. Şatlyk bilen geçjek ömrüm her güni, Göwnümi gam-gussa sowgatlyk berdim. Olam boş goýmady - öwezne meni, Elime tutdurdy ýalňyzlyk derdin. Aslynda göwnüm deý özüm ýygradym, Içdäkilem ýazmagyma sebäpçi. Gussa pyçagynda arzuw dogradym, Ýüregim lowlap dur, beýnim kebapçy. Ykbalmy bu?! Öz-özmize amalmy? Neçüýn bolar arzuwlarym çig-çarsy. Yşk okundan atyp goýan maralmy Alar bir gün özge sähraň ýolbarsy... Öz awuňa özüň dyňzap ýetmeseň Diýerler "özüňde soňsuz günä kän". Göreşmedik... Şony hasap etmeseň Maralam, awçy-da bolmaz günäkär. Ylham GURBANALYÝEW. | |
|
| |
| √ Ýagşy niýetler / Goşgular - 08.01.2025 | |
| √ Ýar laglyň arzuwlar men, jana bereý sen şypa... / Goşgular - 06.01.2025 | |
| √ Men bir ýola... / Goşgular - 12.01.2025 | |
| √ Bir dem ol dilber jemalyndan yrak olmak ne güýç... / Goşgular - 01.01.2025 | |
| √ Hatty benewşe, haddy läle, zülpi reýhandyr... / Goşgular - 12.01.2025 | |
| √ Şaglawuk / Goşgular - 02.01.2025 | |
| √ Lolular / Goşgular - 08.01.2025 | |
| √ Dostum, arz et jemalyň, janymyz bolsun fereh... / Goşgular - 04.01.2025 | |
| √ "Ýene-de daň atdy..." / Goşgular - 01.01.2025 | |
| √ Dil pyrak odunda ýandy, galdy jan hijran era... / Goşgular - 12.01.2025 | |
| Teswirleriň ählisi: 0 | |