Ogluma pent

OGLUMA PENT

Adamyň başy gowgaly
Ýöne çökermegin köňlüň.
Bu dünýäniň kändir aly,
Nur ýüzüň bolmasyn galyň.

Aga ak diýmegi başar,
Ýüregiň bolmasyn gara.
Dost aýbyny açma, ýaşyr,
Il-günüň derdine ýara.

Il hanjak?! Senem ugrdaş git,
Akymyň tersine ýüzme.
Ölçerip, sanap ädim ät,
Pul mesisi bolup azma.

Diýrler baýlyk eliň kiri,
Başyňa salmasyn bela.
Päk niýet döwletiň ýary -
Iliň bolsun saňa gala.

Durmuşam humar mysaly
Utduň-utuldyň parhy ýok.
Ýaşama namartlar ýaly,
Kalbyňa ýoldaş bolsun Hak.

Goldamaga dost-ýar gerek,
Durmuşda bolma gury san.
Ömürlik söwer ýar gerek,
Gaýgyrma il-gün üçin jan.

Soňky sözüm nesihatym
Haklawergin Ahmet adyň.
Sensiň nesil-dowamatym,
Sönmäwersin ojak-oduň.

Döwletmyrat ÝAZKULYÝEW.