Gonamçylykdaky oýlanma

GONAMÇYLYKDAKY OÝLANMA

Ynha adam bary üýşüp otyrlar,
Diňe tukatlygy görýär gözlerim.
Öwülýä gelemde dörän setirler,
Häzir size okap berjek sözlerim.

Eneden doglamda başlanan hasap,
Barýar bu panydan baka ýol ýasap.
Wagt sen howlugma, aýak çek bir dem,
Nirä ylgap barýaň, öňe alňasap.

Aýak çek,durmuşdan ganasym gelýär,
Baharlarda joşup, derýa deý mesäp.
Wagt-wagt yza dönesim gelýär,
Geçmişe ýaşlygmy, dostlarmy küýsäp.

Arman, sen diňlemän barýarsyň eňip,
Belki, keçjallykdyr seniň ýörelgäň.
Şu ýatan depeler, ses-üýnsiz dymyp,
Ahyr gelip durjak soňky duralgaň.

Azat NURGELDIÝEW.