Göwnüm

GÖWNÜM

Göwnüm, göwnüm, eziz göwnüm,
Diýme muña öwündigim.
Otuza ser uran günüm
Ahyr bildim göwündigiñ.

Il derdine ters bakmadym,
Ony duşdan geçirmedim.
Goñşymyñ için ýakmadym
Hem oduny öçürmedim.

Aç bolmadym, ýöne weli,
Doklugymdan gägirmedim.
Ýigit kimin söýdüm ili,
Söýýän diýip gygyrmadym.

Ýöne şum iş gyssananda,
Basylanda käte sussum,
Özüm däl, dost-ýarym üçin
Seni köpräk öñe tutdum.

Bu türkmeniñ bahary deý
Ýaşlygymyz geçýär basym.
Il başyna düşen işden
Bizi hiç zat goramasyn.

Hakyñ gözüne bakaly,
Şer iş ýerden göçer ýaly.
Ýüreklerde ot ýakaly,
Ojaklary öçürmäli.

Aglaly, bile güleli!
Myrat tapsyn maksat tutan.
Biz näm bolsak şol bolaly,
Bolsa bolýar eziz Watan!