GUŞ BOLUP UÇARYN
Giderin men seniň giden ýoluňdan,
Aýry ýoly saýlamaryn men hergiz.
Kynam bolsa, ýalňyz menzil agtarmak,
Sözümden dänmerin, dänmedim heniz.
Gadam taşlap külterlärin ýollary,
Sökerin basyp men, ädimiňe ädim.
Bu täleýe özüm günäkär ýaly,
Her demde, özüme irginsiz käýdim.
Düýşümde-de şu ýol, huşda-da şu ýol,
Şu ýol dämi bizi bagta ýetiren.
Edil şonuň ýaly, edil şonuň deý,
Ikimiziň ýolumyzy ýitiren.
Geçerin men ýodalary-ýollary,
Ýörän ýollaryňa derim saçaryn.
Nesibedir, munda çüwmese bagtym,
Saňa tarap ak guş bolup uçaryn.
Gurbanmämmet MEREDOW.
