Keçe

KEÇE

Otagma düşelgi keçäň,
Geçip geçsin goý, modasy!
Şoňa siňen kakaňyzyň,
Gamly, gamsyz ýol-ýodasy.

Köne diýip, sada diýip,
Daşlaşdyrmaň geçmişimden.
Şol keçe yssy gözüme,
Täze halyň ýetmişinden.

Bar onda enemiň ysy,
Jigilermiň aýak yzy.
Ten-synama geçirmedi,
Güýz-u-gyş çygy, aýazy.

Täz:ä gyzyp aýryp bolmaz,
Ähli könesin jahanyň.
Saklamalsam bardyr, aýap,
Çarygy dek Aýazhanyň.

2022 ý.