10:44 Nohuryñ | |
NOHURYÑ
![]() Dört ýany derbentdir hiç bela ýokmaz, Sapaly jaýlary bardyr Nohuryñ. Bilbiller saýrasa, bagyndan çykmaz, Sapaly baglary bardyr Nohuryñ. Baglarynda bişse erik, almasy, Duzakly ýolunyñ kyndyr gelmesi, Sowuk çeşmeleri, akar salmasy, Döwranly jaýlary bardyr Nohuryñ. Metjitleri bardyr azan kamatly, Mollalary bardyr bir ak sypatly, Kethudasy bardyr Adybaý atly, Goçmyrat ahuny bardyr Nohuryñ. Her galasy bir kemeriñ üstünde, Ýagy tap getirmez durmaz destinde, Batyr ýigitleri duşman kastynda, Myhmana gullukdar ili Nohuryñ. Belent çynarlary, uly hozlary, Uzyndyr boýlary, inçe özleri, Şekerden şirindir sözlän sözleri, Sallanyşar gelin-gyzy Nohuryñ. Baglarynda bişse almasy, nary, Gyşyna aýrylmaz dagynyñ gary, Gelip jylawlady: "Ýör, myhman bäri" Nyýazmyrat pälwany Nohuryñ. Ýigitleri syrdaraýy geýerler, Ýygnanyşyp, nazy-nygmat iýerler, Mergenlerin gädiklerde goýarlar, Mergen ýigitleri bardyr Nohuryñ. Sazly-söhbetlidir, toýlary bardyr, Jennete barabar jaýlary bardyr, Ýazyna ýel öwser, gyşyna gardyr, Dürli miwe bitir bagy Nohuryñ. Durdy şahyr gezdim nije jaýlary, Üçege çykarlar tamdyr, öýleri, Hoşluk bile geçer ýylu-aýlary, Myhmana gullukdyr ili Nohuryñ. Durdy şahyr (1814-1915), Garrygala-Gyzylarbat sebitlerinde ýaşap geçen türkmen şahyry. ________________________ *Goşgy Nohur oba Sowetiniñ Pograniçnik kolhozynda ýaşaýan Çary Dolyýewden ýazylyp alnan. | |
|
√ Ata-ene hakynda / Goşgular - 18.05.2024 |
√ Rubagylar / Goşgular - 18.06.2024 |
√ Ikatýok bilen horaz / basnýa / Goşgular - 22.06.2024 |
√ Nebis / Goşgular - 06.06.2024 |
√ Gökdepäm / Goşgular - 22.03.2024 |
√ Sumbaryñ kenarynda / Goşgular - 01.01.2024 |
√ Hasap / Goşgular - 18.02.2024 |
√ Sendedir sende / Goşgular - 17.07.2024 |
√ Dertdir azapkeş / Goşgular - 23.05.2024 |
√ Sokrat / Goşgular - 16.05.2024 |
Teswirleriň ählisi: 0 | |