Saud milliarderi Hassan Jemiliñ amerikan aýdymçysy Rihanna bilen ýakyn gatnaşygy

SAUD MILLIARDERI HASSAN JEMILIÑ AMERIKAN AÝDYMÇYSY RIHANNA BILEN ÝAKYN GATNAŞYGY

Bir tarapda aýdymlarynda şeýtana hyzmat edýändigi öñe sürülýän satanist we masonik nyşanlary bilen çykyş edýändigi üçin ýygy-ýygydan gepi çykýan pop ýyldyzy Rihanna...
Beýleki bir tarapda-da Iki jahanyñ serweri, ynsyñ-jynsyñ göz guwanjy Pygamberimiz Muhammet Mustapa (s.a.w) ýaly beýik ynsany bagrynda saklap, adamzada bagyş eden Mekge-Medine ýaly mübärek topraklaryñ ýerleşýän ýurdy Saud Arabystany patyşalygynyñ ýetim-ýesiriñ, garyp-gasaryñ gözýaşynyñ, daban azabynyñ, alyn deriniñ üstünde gurlan we gör kimleriñ haram keýpi üçin tarhandökerlik bilen ýele sowrulýan millionlap, milliardlap dollarlaryñ ummanynda ýüzüp ýören azgyn arap şeýhiniñ mirasdüşer ogly Hassan Jemil...

Çagakak "arap" diýilse, namazly-täretli, aşa dindar, halalhon adamlar göz öñümize gelerdi.
Elbetde, Hassan Jemil ýaly on iki erkegiñ agzyndan galan gaýry dinli ýuwundyny özüne aýal edinmekçi bolan bir azgyn araba seredip, tutuş arap milletiniñ üstünden atanak çekip bolmaz. "Şükür bagşy" kinofilminde aýdylyşy ýaly, "Her obanyñ öz tentegi bar". Ýöne meniñ hakykatda öz gözüm bilen gören we habar beriş serişdelerinde şular ýaly habarlardan tanan araplarymyñ içinde-hä "sag" araba gabat gelmedim.

Şu ýerde bir sowaly kanuny ýagdaýda orta atmaly bolýar. Biziñ käbir dogry-dürs ýolly ildeşlerimiziñ halal ýollar bilen bäş parzynyñ soñkusyny berjaý etmek üçin ömrüne toplan ýa-da galabasy aldawçy, söwdagär, süýthor, haj zyýaratyny-da il gözüne we özüne "pylan hajy" diýdirmek üçin Mekge-Medina gidip gelýän hajysumak ildeşlerimiziñ halaldan-haramdan ýygnap haja sowýan pullaryndan üýşýän ummasyz girdejileri araplar nirelere sarp edýärkä? Hassan Jemil ýaly saudly milliarderleriñ haram keýplerinemi?
Hawa-da, puluñ bolsa isläniñi edibermeli dünýe-dä...
Öte geçýän bolsam, bagyşlañ. Aşakda gürrüñi giden şeýhiñ durmuşyndan bir parçany siziñ dykgatyñyza hödürleýärin. Bu hakda çuñ oýlanyp, özüñiz netije çykarsañyz has gowy bolar.

Ýakyn Gündogaryñ iñ baý 12-nji maşgalasynyñ mirasdüşeri Saud Arabystanly Hassan Jemil üç ýyllap "gezenden" soñ dünýä belli aýdymçy Rihanna bilen gatnaşygyny kesdi. Toý tutmagyna garaşylyp ýörlen we gatnaşyklaryny görer gözden daşda saklan jübütleriñ näme sebäpli aýrylyşandygyny bilýän ýok.
Mundan birnäçe ýyl Saud Arabystanly milliarder Hassan Jemiliñ meşhur Rihanna bilen ýakyn gatnaşygynyñ soñlanandygy habar berlipdi. 31 ýaşly barbadosly aýdymçy bilen 31 ýaşly arap işewüriniñ gizlin saklap gelen gatnaşyklarynyñ näme sebäpli soñlanandygyny bilýän ýok.

Birinji gezek 2017-nji ýylda bile tirkeşip barýarkalar suraty alnan we yzyndan ýakyn gatnaşyklarynyñ bardygyny boýun alan jübütler iki bolup hiç wagtam habar beriş serişdeleriniñ öñüne çykmadylar, gyzyl halyçanyñ üstünde surata düşmediler. Ýygy-ýygydan dynç almaga gidýän jübütler gatnaşyklaryny gözden uzak saklaýardy.

Ýakyn Gündogaryñ iñ baý 12-nji maşgalasynyñ mirasdüşeri bolan Hassan Jemil bilen Rihanna 2018-nji ýylyñ ortalarynda aýrylyşyp, yzyndan ýene ýaraşypdylar. Meşhur aýdymçy üç aý öñ "Vogue" žurnalyna beren reportažynda ene bolmak isleýändigini we fatasyny-da özi saýlap-seçendigini aýdypdy.

Geçen ýyl Jemile adaglanandygy hakda habar berlen Rihanna "E!" kanalynyñ alypbaryjylaryndan Morgan Stewartyñ sosial mediýa hasabynda paýlaşan we özi hakdaky "Bir adaglama bolaýjak ýaly we megerem bir bäbejik" diýýän wideoýazgyny halapdyr, bulam meşhur aýdymçy bilen Hassanyñ adaglanandygy hakdaky gep-gürrüñleri güýçlendiripdi.

Aýdýan aýdymlary ýaly şahsy durmuşy-da dillerden düşmän gelýän Rihannanyñ pynhan söýgi gatnaşyklary boýunça "depderi" Hassan Jemilden öñem ýuka däldi. "Söýgi depderiniñ" galyñlygy bir jiltlik romandanam galyñ Ririniñ durmuşyna örän köp tanymal şahslar aralaşdy. Aşakda Rihannanyñ Hassan Jemilden öñki "gezen" erkekleri...

Negus Sealy

Jay Z

Josh Hartnett

Chris Brown

Wilmer Valderrama

Justin Timberlake

Rashard Lewis

Josh Henderson

Drake

Matt Kemp

Dudley O’Shaughnessy


Internet maglumatlary esasynda taýýarlandy.